Don't Miss!
- Sports CSK vs LSG: కొంపముంచిన ముస్తాఫిజుర్.. లక్నోను గెలిపించిన స్టోయినిస్!
- Lifestyle ఈ 4 రాశుల వారు ఉత్తమ సెక్స్ భాగస్వాములు అవుతారు... వీరిని లైఫ్ పార్ట్నర్ గా పొందడం అదృష్టం!
- News బాలకృష్ణకు షాక్: హిందూపురంలో నామినేషన్ వేసిన స్వామి పరిపూర్ణానంద
- Automobiles ఏథర్ రిజ్టా ఎలక్ట్రిక్ స్కూటర్కు పోటీగా ఆంపియర్ NXG.. ఆ రోజే లాంచ్
- Technology ధర రూ.10 వేల కంటే తక్కువ ధరకే రియల్మి 5G స్మార్ట్ఫోన్.. విడుదల తేదీ ఖరారు..!
- Finance Market Closing: లాభాల్లో ముగిసిన సెన్సెక్స్-నిఫ్టీ.. మార్కెట్లను లాగిన మెటల్ స్టాక్స్..
- Travel ఫ్యామిలీ ట్రిప్ ప్లాన్ చేస్తున్నారా? అయితే, తెలంగాణలోని ఈ ప్రాంతం బెస్ట్..!
ఆ సినిమా నుంచి తీసుకున్నా.. కాపీ మాత్రం కాదు: పూరీ జగన్నాథ్
పూరీ జగన్నాథ్ - రామ్ కాంబినేషన్ వస్తున్న చిత్రం 'ఇస్మార్ట్ శంకర్'. భారీ అంచనాల నడుమ ఈ సినిమా త్వరలోనే ప్రేక్షకుల ముందుకు రాబోతుంది. డబుల్ సిమ్ కార్డ్ అంటూ సరికొత్త కాన్సెప్ట్తో ఈ సినిమాను తెరకెక్కించాడు పూరీ జగన్నాథ్. ఇప్పటికే విడుదలైన ఈ సినిమా టీజర్, ట్రైలర్స్, సాంగ్స్కు ప్రేక్షకుల నుంచి విశేష స్పందన వస్తోంది. దీనికితోడు, సినిమా ప్రీ రిలీజ్ బిజినెస్ కూడా భారీ స్థాయిలో జరిగిందన్న టాక్ వినిపిస్తోంది. దీంతో చిత్ర యూనిట్ కూడా హ్యాపీగా ఉందని ప్రచారం జరుగుతోంది.
పూరీ సొంత బ్యానర్ టూరింగ్ టాకీస్, సీనియర్ హీరోయిన్ ఛార్మీ సంయుక్తంగా నిర్మిస్తున్న ఈ చిత్రంలో ఎనర్జిటిక్ స్టార్ హీరో రామ్ సరసన నిధీ అగర్వాల్, నభా నటేశ్ నటిస్తున్నారు. జూలై 18న ఈ సినిమా ప్రేక్షకుల ముందుకు రానున్నది. ఇందులో రామ్ సరికొత్త లుక్, డైలాగ్ డెలివరీని ప్రయత్నించాడు. అయితే, 'ఇస్మార్ట్ శంకర్' బ్రిటన్కు చెందిన 'ఐబాయ్'కు కాపీ అన్న టాక్ వినిపిస్తోంది. కెవిన్ బ్రూక్స్ నవల ఆధారంగా ఆడమ్ రాండెల్ తెరకెక్కించిన ఈ సినిమాలోనూ మెదడులో సెల్ఫోన్ ఉండడంతో సూపర్ హ్యూమన్లా మారతాడు. ఇప్పుడిదే కథ 'ఇస్మార్ట్'లో ఉంటుందన్న కామెంట్లు వినిపిస్తున్నాయి.
దీంతో ఈ వార్త ఫిలింనగర్ వర్గాలతో పాటు సోషల్ మీడియాలో తెగ వైరల్ అవుతోంది. ఈ నేపథ్యంలో చిత్ర ప్రమోషన్లో పాల్గన్న పూరీ సినిమా కాపీ అని వస్తున్న వార్తలపై స్పందించాడు. తాజాగా ఓ చానెల్తో మాట్లాడుతూ.. ''ఇస్మార్ట్ శంకర్' ఓ హాలీవుడ్ సినిమాకు కాపీ అని కొద్దిరోజులుగా వార్తలు వస్తున్నాయి. కానీ, ఇందులో ఏమాత్రం నిజం లేదు. ఈ సినిమాను కొన్ని హాలీవుడ్ చిత్రాల నుంచి స్పూర్తి పొంది తెరకెక్కించాను. అంతేకానీ, ఏ సినిమానూ కాపీ కొట్టలేదు. ఈ విషయం మీకు తెలియాలంటే నా సినిమా విడుదల అయ్యాక చూడండి. అలాగే ఏ సినిమా నుంచైతే కాపీ అంటున్నారో ఆ సినిమానూ చూడండి'' అంటూ చెప్పుకొచ్చాడు.