వాళ్ళతో పూరీ చెయ్యడు

By Staff

Published: Wednesday, June 3, 2009, 18:20 [IST]

పూరీ జగన్నాధ్ తో సినిమాలు నిర్మించాలని కార్పోరేట్ సంస్ధలు ఎప్పుటి నుంచో ప్రయత్నాలు చేస్తున్నాయి. రెమ్యునేషన్ విషయంలో ఓకే అయినా మిగతా విషయాలు పూరీకి నచ్చక సున్నితంగా నో చెప్తున్నాడని సమాచారం. కార్పోరేట్ సంస్ధలు వారు ముందే బౌండ్ స్క్ర్రిప్టు ఇమ్మంటారని, అలాగే బడ్జెట్ కరెక్టుగా సబ్మిట్ చేయమంటారని ఆయన విసుక్కుంటారని తెలుస్తోంది. పూరీ కి సెట్ లో సైతం అప్పటి కప్పుడు సీన్స్ రాసుకోవటం ఇష్టం..అలవాటు. అలా వచ్చినవే మంచి సీన్స్ డైలాగ్స్ అయ్యాయని ఆయన సన్నిహితులు చెప్తూంటారు.

అయితే కార్పోరేట్ సంస్ధలు ఒక్క సారి ఓకే చేస్తే తిరిగి ఎట్టి పరిస్ధితుల్లోనూ మార్చటానికి ఒప్పుకోవు. అంతగా మార్చాలంటే ముందుగా ఆ క్రియేటివ్ హెడ్ కి తెలియచేయాలి. ఇదంతా పెద్ద ప్రాసెస్. అన్నిటికన్నా ముఖ్యంగా పూరీ అప్పటికప్పుడు దొరికిన కాంబినేషన్ తో ముందుకు లాగించేస్తూంటాడు. అది అక్కడ వర్కవుట్ కాదు. అక్కడంతా ప్లానింగ్ ప్రకారం జరుగుతూంటుంది. క్రియోటివ్ ప్రాసెస్ లో ప్లానింగ్ కి పెద్దగా అవకాశముండదనేది అందరి నమ్మకం. ఇదంతా పూరీ శ్రేయాభిలాషి తమ స్నేహితుడు ఎందుకు కార్పోరేట్ సినిమా చెయ్యడో చెప్పే కారణాలు. అదీ సంగతి.

More from Filmibeat