పూరీ జగన్నాధ్ గోలీమార్ షూటింగ్ ఇన్ఫో

గోపీచంద్ తో దర్శకుడు పూరీ జగన్నాధ్ తలపెట్టిన 'గోలీమార్' షూటింగ్ మలేషియాలో జరగనుందని సమాచారం. వైష్ణో అకాడమి బ్యానర్ పై ఈ చిత్రం షూటింగ్ ని మొదట సౌత్ కొరియాలో చేద్దామనుకున్నారు. అయితే బడ్జెట్ లిమిటేషన్స్ వల్ల మలేషియాలోనే తీయాలని నిర్ణయించుకున్నారని సమాచారం. ఇక పూరీ ప్రస్తుతం బ్యాంకాక్ లో ఈ చిత్రం ఫైనల్ వెర్షన్ కు మెరుగులు దిద్దుతున్నారు. అలాగే ఈ చిత్రానికి రఘు కుంచెను సంగీత దర్శకుడుగా ఎన్నుకున్నాడు. బంపర్ ఆఫర్ చిత్రానికి అతను అందించిన పాటలు మంచి హిట్ కావటంతో ఈ నిర్ణయానికి వచ్చినట్లు తెలుస్తోంది. ఇక ఈ చిత్రంలో గోపీచంద్ సరసన ప్రియమణి నటిస్తోంది. ఇక పూరీ,గోపీచంద్ కాంబినేషన్ లో ఇదే మొదటి చిత్రం. ఇందులో గోపీచంద్..ఎనకౌంటర్ స్పెషలిస్టుగా చేస్తున్నారు.