హోమ్

న్యూస్

దూకుడు సినిమాకి ఇంకా ఒక పాట షూటింగ్ బ్యాలెన్స్ ఉండగా, దానిని పూర్తి చేయడం మానేసి మహేష్ బాబ హడావిడిగా 'ది బిజినెస్ మ్యాన్" షూటింగ్ మొదలు పెట్టడం అందర్నీ ఆశ్చర్యపరిచింది. ఉన్నట్టుండి ఇప్పుడీ సినిమా మొదలు పెట్టడమెందుకని అనుకున్నారంత. అయితే దీని వెనుక ఉన్న మాస్టర్ ప్లాన్ నెమ్మదిగా బయటకి పొక్కింది. సినీ కార్మికుల సమ్మె కారణంగా సెప్టెంబర్ 6 నుంచి కొత్త సినిమాలు మొదలు కావడానికి వీల్లేదు.

అందుకే దూకుడు పాట షూటింగ్ పెండింగ్ పెట్టి ముందుగా అది మొదలుపెట్టేశారు. ఇప్పుడు అక్టోబర్ 31వరకు నిరాటంకంగా బిజినెస్ మ్యాన్ షూటింగ్ చేసుకునే వీలు చిక్కింది. ఈలోగా లోకల్ లో చేసే షూటింగ్ అంతా పూర్తి చేసేస్తే అక్టోబర్ 31 నాటికి విదేశాలకి వెళ్లిపోవచ్చు. బ్యాలెన్స్ పార్ట్ అంతా షూటింగ్ చేసుకుని సమ్మె తర్వాత ఇక్కడికి తిరిగి రావచ్చు. అలా సమ్మె ఎఫెక్ట్ తమ సినిమాపై పడకుండా మహేష్, పూరి భలే స్క్రీన్ ప్లే సెట్ చేశారు కదూ...