పుష్ప టెక్నీషియన్ తో సుకుమార్ గొడవ.. ఇంగ్లీష్ లో అలాంటి పదం వాడటంతో ఆగ్రహం

ఆ విషయంలో మార్పులు చేయకుండా..

క్రియేటివ్ దర్శకుడిగా తనకంటూ ఒక ప్రత్యేకమైన గుర్తింపును అందుకున్న సుకుమార్ ఎలాంటి సినిమా చేసినా కూడా టెక్నీషియన్స్ విషయంలో అయితే పెద్దగా మార్పులు చేయడు. తనకు నచ్చిన వారితోనే ఎక్కువగా సినిమాలు చేస్తూ ఉంటాడు. ముఖ్యంగా మ్యూజిక్ విషయంలో దేవిశ్రీ ప్రసాద్ ను సినిమాటోగ్రఫీ రత్నవేలునీ పెద్దగా మార్చడు.

మొదటిసారి పోలెండ్ సినిమాటోగ్రాఫర్

అయితే మొదటిసారి సుకుమార్ సినిమా ఫోటోగ్రాఫర్ విషయంలో మార్పులు చేయక తప్పలేదు. రత్నవేలు మిగతా సినిమాలతో బిజీగా ఉండటం వలన ఈ అతిపెద్ద ప్రాజెక్టు కోసం సుకుమార్ పోలెండ్ సినిమాటోగ్రాఫర్ మిరస్లోవ్ కూబాను తీసుకున్నాడు. అతను ఇదివరకే గ్యాంగ్ లీడర్ సినిమాతో మైత్రి మూవీ మేకర్స్ కు చాలా క్లోజ్ అయ్యాడు. ఇక ఆ సాన్నిహిత్యం తోనే సుకుమార్ తో కూడా సినిమా చేయించేందుకు అగ్రిమెంట్ కుదుర్చుకున్నారు.

‘సెన్స్ లెస్' అన్నాడు

అయితే షూటింగ్ సమయంలో అతని భాష అర్థం కాక దర్శకుడు సుకుమార్ చాలా సీరియస్ అయినట్లు ఇటీవల నిర్వహించిన ప్రెస్ మీట్లో తెలియజేశాడు. నాకు ఇంగ్లీష్ కూడా అంత పెద్దగా రాదు. అతను కూడా దాదాపు అదే తరహాలో ఇంగ్లీష్ నేర్చుకున్నాడు. అయితే నేను ఒకసారి షాట్ విషయంలో ప్లీజ్ లెన్స్ చేంజ్ చేయాలి అని ఇంగ్లీషులో చెప్పాను. షూటింగ్‌లో 'చేంజ్ ద లెన్స్' అన్నప్పుడు అతను 'సెన్స్ లెస్' అని అన్నాడు.

చాలా హర్ట్ అయ్యాను..

'సెన్స్ లెస్' అనడంతో నేను చాలా హర్ట్ అయ్యాను. ఆ తర్వాత అతన్ని పక్కకు తీసుకువెళ్లి చాలా సీరియస్ గా హెచ్చరిక కూడా చేశాను నేను ఎంత పెద్ద డైరెక్టరో నీకు తెలుసా? నేను ఎలాంటి సినిమాలు చేశానో తెలుసా.. అని చాలా బాగా కోపానికి గురయ్యాను. ఇక అతను ఏమి మాట్లాడలేదు. కళ్ళల్లో మాత్రం నీళ్ళు కనిపించాయి. ఒకరి భావాలు మరొమారికి అర్థం కాని పరిస్థితుల్లో అతను చాలా ఫీల్ అయినట్టు అనిపించింది.. అని సుకుమార్ అన్నాడు.

ఆ తరువాత అర్థం చెప్పడంతో..

ఇక కొద్దిసేపటి అనంతరం డోర్ కొట్టి నట్టు అనిపించింది నేను తలుపు తెరిచాను. ఆ సమయంలో కుబా దాని అసలైన అర్థం గురించి వివరణ ఇచ్చాడు. అది సెన్స్ లెస్ కాదని చేంజ్ ద లెన్స్ అని చెప్పాడు. పలికే విధానంలో తేడా కొట్టినట్లు అనిపించింది. ఇక వెంటనే నా పొరపాటు తెలుసుకొని చాలా సరదాగా వర్క్ ని కొనసాగించాము. మళ్ళీ ఆ తరువాత మా ఇద్దరి మధ్యలో ఎలాంటి గొడవలు జరగలేదు. బాషా అర్థం కాకపోయినా కూడా సినిమా మా ఇద్దరితో పని పూర్తయ్యేలా చేసింది.. అని సుకుమార్ తెలియజేశారు.