Pushpa : అల్లు అర్జున్ ఫ్యాన్స్‌కు గుడ్ న్యూస్.. టీవీలోకి పుష్ప.. ఎప్పటి నుంచి అంటే?

దేశవ్యాప్తంగా ట్రెండ్

సుకుమార్ దర్శకత్వంలో పుష్ప సినిమా 2021 డిసెంబర్ 17న విడుదలైంది. అల్లు అర్జున్, రష్మిక మందన్న హీరో, హీరోయిన్లు. ఫహాద్​ ఫాజిల్​, సునీల్​, రావు రమేష్​, అనసూయా సహా పలువురు కీలక పాత్రలు పోషించారు. సుకుమార్​ దర్శకత్వంలో వచ్చిన ఈ మూవీకి దేవీశ్రీ ప్రసాద్ మ్యూజిక్ అందించిన ఈ సినిమా పాటలు కొన్ని నెలలుగా దేశవ్యాప్తంగా ట్రెండ్ అవుతున్న విషయం తెలిసిందే.

వసూళ్లు కూడా బాగానే

వచ్చిన పుష్ప చిత్రం విడుదలకు ముందు భారీ బిజినెస్ చేసింది. ఏపీ, తెలంగాణలో 102 కోట్ల రూపాయల మేరకు, కర్ణాటకలో 9 కోట్లు, తమిళనాడులో 6 కోట్లు, కేరళలో 4 కోట్లు, హిందీలో 10 కోట్లు, మిగితా రాష్ట్రాల్లో 1.15 కోట్లు, ఓవర్సీస్‌లో 13 కోట్ల రూపాయల ప్రీ రిలీజ్ బిజినెస్ చేసింది. దాంతో ఈ చిత్రం ఓవరాల్‌గా 144.90 కోట్ల మేర ప్రీ రిలీజ్ బిజినెస్ నమోదు చేసింది. అలాగే వసూళ్లు కూడా బాగానే రాబట్టింది.

85.35 కోట్ల షేర్

పుష్ప సినిమా క్లోజింగ్ కలెక్షన్స్ విషయానికి వస్తే నైజాం- 40.4 కోట్లు, సీడెడ్​- రూ.15.17 కోట్లు, ఉత్తరాంధ్ర- రూ.8.13 కోట్లు, ఈస్ట్​- రూ.4.89 కోట్లు, వెస్ట్​- రూ.3.95 కోట్లు, గుంటూర్​- రూ.5.13 కోట్లు, నెల్లూరు​- రూ.3.08 కోట్లు సాధించింది. అలా తెలంగాణ ఆంధ్రాలో కలిపి మొత్తం రూ.85.35 కోట్ల షేర్, గ్రాస్​ రూ.133.25 కోట్లు రాబట్టింది పుష్ప ది రైజ్​.

360 కోట్లు గ్రాస్

అలా ఇతర రాష్ట్రాల విషయానికి వస్తే కర్ణాటక- 11.81 కోట్లు, తమిళనాడు- రూ.13.75 కోట్లు, కేరళ- రూ.5.60 కోట్లు, హిందీ వెర్షన్​- రూ.51.30 కోట్లు, రెస్టాఫ్ ఇండియా -రూ.2.25 కోట్లు ఓవర్​సిస్​ షేర్​- రూ.14.56 కోట్లు మొత్తం వరల్డ్​ వైడ్​ కలెక్షన్స్​ రూ.184.62 కోట్లు సాధించింది. మొత్తం గ్రాస్ 360 కోట్లు కలెక్ట్ చేసింది

ప్రిమియర్‌కు టైమ్ ఫిక్స్

అదలా ఉంచితే ఈ సినిమా వరల్డ్ టెలివిజన్ ప్రిమియర్‌కు టైమ్ ఫిక్స్ అయ్యింది.. పుష్ప శాటిలైట్స్ రైట్స్‌ను దక్కించుకున్న స్టార్ మా.. ఈ సినిమాను మార్చి 13న సాయంత్రం ఆరు గంటలకు టెలికాస్ట్ చేయనుంది. ఈ విషయాన్ని పుష్ప టీమ్ అధికారికంగా ప్రకటించింది. ఈ వార్త బయటకు రావడంతో దీంతో ఫ్యాన్స్ పండగ చేసుకుంటున్నారు. ఈ సినిమా తెలుగుతో పాటు కన్నడ భాషల్లో పుష్ప మార్చిలో టెలికాస్ట్‌కు రెడీ అవుతుండగా తమిళ్, మలయాళీ భాషల్లో మాత్రం ఏప్రిల్ మొదటి వారంలో టెలికాస్ట్ కానుందని అంటున్నారు.