టాలీవుడ్‌లోకి పివి నర్సింహారావు మనవడు

By Bojja Kumar

Published: Thursday, September 29, 2011, 14:13 [IST]

దేశ చరిత్రలో రాష్ట్రం నుంచి ప్రధాని అయిన ఒకే ఒక్క తెలుగువాడు పివి నర్సింహారావు. ప్రధానిగా, బహుబాషా వేత్తగా, మేధావిగా, రాజకీయ నాయకుడిగా తనదైన ముద్రను వేశారాయన. ఇప్పడు మన దేశ ఆర్థిక వ్యవస్థ ఇంత పటిష్టంగా ఉందంటే ఆయన హయాంలో తెచ్చిన సంస్కరణలే కారణం. పివి. మరణం తర్వాత ఆయన వారసులుగా కూడా రాజకీయాల్లోనే కొనసాగుతున్నారు. అయితే పి.వి మనవడు మాత్రం అందరి మాదిరి రాజకీయాల్లోకి అడుగు పెట్టకుండా రూటు మార్చి సినీ రంగంలోకి అడుగుపెట్టాడు.

అతని పేరు దినకర్. విదేశాల్లో చదువుకుని గత కొంత కాలం క్రితమే ఇండియాకు వచ్చాడు. సంగీతం అంటే చాలా ఇష్టం. సింగర్‌గా టాలీవుడ్‌లో తన సత్తా చాటడానికి ప్రయత్నిస్తున్నాడు. మధుర శ్రీధర్ దర్శకత్వంలో రూపొందుతున్న 'ఇట్స్ మై లవ్ స్టోరీ" సినిమాలో ప్లే బ్యాక్ సింగర్ గా పరిశ్రమకు పరిచయం కాబోతున్నాడు. ఈ సినిమాలో ఆయన 'నిన్నలా లేదే..మొన్నలా లేదే" అనే పాటను పాడారు. ఇంటర్నేషనల్ గా ఎదగాలనేది దినకర్ లక్ష్యం. చూద్దాం..దినకర్ సంగీత ప్రయాణం ఎలా ఉండ బోతోందో...?

More from Filmibeat