జూ ఎన్టీఆర్‌‌కు ‘టాప్’ లేపే ఆఫర్...కానీ ఒక్క షరతు?

By Bojja Kumar

| Published: Tuesday, May 14, 2013, 10:37 [IST]

హైదరాబాద్ : యంగ్ టైగర్ జూనియర్ ఎన్టీఆర్‌కు ప్రముఖ సినీ నిర్మాణ సంస్థ పివిపి సినిమా బేనర్ వారు టాప్ లేపే భారీ ఆఫర్ ఇచ్చారు. తెలుగు సినిమా చరిత్రలోనే అత్యధికంగా, ఇప్పటి వరకు ఏ హీరో కూడా అందుకోలేనటువంటి రెమ్యూనరేషన్ ఇస్తామని ప్రతిపాదన పెట్టినట్లు సమాచారం.

అయితే షరతులతో కూడిన తమ అగ్రిమెంటుకు సైన్ చేస్తేనే ఈ ఆఫర్ వర్తిస్తుందని షరతు పెట్టినట్లు తెలుస్తోంది. తమ బేనర్లో వరుసగా మూడు సినిమాలు చేస్తే ఎన్టీఆర్‌ను రెమ్యూనరేషన్లో టాప్ రేంజికి తీసుకెళతామని ఆ సంస్థ తమ అగ్రిమెంటులో ప్రేర్కొన్నట్లు ఫిల్మ్ నగర్లో వార్తలు వినిపిస్తున్నాయి. మరి దీనిపై జూనియర్ ఎన్టీఆర్ ఇంకా ఎలాంటి నిర్ణయం తీసుకోలేదని సమాచారం. త్వరలో దీనిపై ఓ క్లారిటీ రానుంది.

పివిపి సంస్థ ప్రస్తుతం రవితేజ హీరోగా 'బలుపు' అనే చిత్రాన్ని రూపొందిస్తోంది. దీంతో పాటు అనుష్క ప్రధాన పాత్రలో ఆర్య హీరోగా సెల్వరాఘవన్ దర్శకత్వంలో రూపొందుతున్న భారీ బడ్జెట్ మూవీ 'వర్ణ' చిత్రం కూడా ఈ సంస్థనే తెరకెక్కిస్తోంది. ప్రస్తుతం పివిపి సంస్థ సౌత్ ఇండియాలో భారీ సినీ నిర్మాణ సంస్థల్లో ఒకటిగా ఉంది.

ఇక జూ ఎన్టీఆర్ ఇప్పుడు హరీష్ శంకర్ దర్శకత్వంలో 'రామయ్యా వస్తావయ్యా' చిత్రం చేస్తున్న సంగతి తెలిసిందే. దిల్ రాజు ఈ చిత్రానికి నిర్మాత. ఈ చిత్రం తర్వాత బెల్లంకొండ నిర్మాతగా సంతోష్ శ్రీనివాస్ రూపొందించబోయే 'రభస' చిత్రంలో నటించబోతున్నాడు జూనియర్.

Comments

English summary

PVP Cinemas ready to offer huge remuneration to NTR on the condition that he has to act the next three films in their banner. The amount has been not disclosed but it is said to be very large.

Story first published: Tuesday, May 14, 2013, 10:37 [IST]

Other articles published on May 14, 2013