హోమ్

న్యూస్

Recommended Video

దర్శకరత్న దాసరి నారాయణ రావు పైన ప్రముఖ పాత్రికేయుడు పసుపులేటి రామారావు రూపొందించిన 'తెరవెనుక దాసరి' అనే పుస్తక ఆవిష్కరణ కార్యక్రమం మంగళవారం నాడు సిని ప్రముఖులు, దాసరి శిష్యులు, దాసరి కుటుంబ సభ్యుల మధ్య అట్టహాసంగా జరిగింది. ఈ కార్యక్రమానికి మెగాస్టార్ చిరంజీవి, అల్లు అరవింద్, టి సుబ్బిరామిరెడ్డి, మురళి మోహన్, ప్రత్యేక అతిధులుగా హాజరయ్యారు. సినీ ప్రముఖులు పలువురు రాసిన వ్యాసాల సంకలనంగా ఈ పుస్తకం రూపొందింది.

ఈ సందర్భంగా పీపుల్స్ స్టార్ ఆర్. నారాయణ మూర్తి మాట్లాడుతూ ఇంట్లోంచి చెన్నైకి పారిపొయిన నన్ను తమ్ముడు అంటూ ప్రేమగా దగ్గరికి తీసిన గొప్ప మనిషి దాసరి, అవకాశం దొరికినప్పుడల్లా నాకు మంచి వేషాలు ఇస్తూ నా జీవితం నిలపెట్టిన వ్యక్తి అంటూ ఒకింత ఉద్వేగానికి లోనైనా, తనదైన శైలిలో కార్యక్రమానికి హాజరైన అతిధుల గురించి వుద్వేగబరితంగా మాట్లాడుతూ చప్పట్లు కొట్టించారు, కొన్ని నిమిషాలు ఉద్వేగానికి గురై వేదికపైనే కంట తడి పెట్టుకొన్నారు.