వందేళ్ల వేడుకలో తెలుగు దర్శకుడికి అవమానం

By Bojja Kumar

| Published: Monday, September 23, 2013, 10:08 [IST]

హైదరాబాద్: సౌతిండియా ఫిల్మ్ చాంబర్ ఆధ్వర్యంలో చెన్నైలో జరుగుతున్న వందేళ్ల భారతీయ సినిమా పండుగలో తెలుగు దర్శకుడు ఆర్. నారాయణమూర్తికి తీవ్ర అవమానం జరిగింది. ఆయన వేదికపైకి వచ్చి మాట్లాడే ప్రయత్నం చేయగా ఆయనదగ్గర నుంచి సౌతిండియా ఫిల్మ్ చాంబర్ చైర్మన్ సి. కళ్యాణ్ ఆదేశాల మేరుకు కొందరు మైకు లాక్కున్నారు. వేధిక పై నుంచి ఆయన్ను బయటకు నెట్టేసారు.

సందర్భంగా నారాయణ మూర్తి మాట్లాడుతూ....వందేళ్ల సినిమా పండగలో తెలుగు వారిపై తీవ్ర వివక్ష కొనసాగుతోందని, దాసరి నారాయణరావు లాంటి పెద్దలను ఈ వేడుకకు ఆహ్వానించక పోవడం ఏమిటని ఆయన ప్రశ్నించారు. కె విశ్వనాథ్ లాంటి పెద్దలను కూడా వేదికపైకి ఆహ్వానించక పోవడం తెలుగు వారికి అవమానం కాకుంటే మరేమిటని ఆగ్రహం వ్యక్తం చేసారు. వందేళ్ల సినిమా ఫంక్షన్ ఆడియో వేడుకలా జరుగుతోందని విమర్శించారు.

కాగా....ఆర్ నారాయణమూర్తికి అవమానం జరిగిందనే వార్తలను నిర్మాత నట్టికుమార్ ఖండించారు. దాసరి నారాయణరావుతో పాటు అందరు పెద్దలకూ ఆహ్వానాలు అందాయని, మూడు రోజు దాసరి పాల్గొంటారని చెప్పుకొచ్చారు. వందేళ్ల సినిమా వేడుకలో సాంస్కృతిక కార్యక్రమాలకు పెద్దపీట వేసిన మాట వాస్తవమే అన్నారు.

Comments

English summary

R. Narayana Murthy Insulted in 100 yrs Indian Film Festival. The four day grand Indian Cinema Centenary Celebrations to commemorate the achievements of Indian cinema in the last 100 years will be held from 21st to 24th September in Chennai.

Story first published: Monday, September 23, 2013, 10:08 [IST]

Other articles published on Sep 23, 2013