శ్రీదేవి తప్పటడుగు, దేశం మొత్తం ఏడ్చింది, ఆమె చరిత్ర ఒక సందేశం: ఆర్ నారాయణ మూర్తి

అన్ని క్వాలిటీస్ ఉన్న నటి

తెలుగులో అతిలోక సుందరి లాంటి గొప్ప సినిమాలు చేసింది. హిందీలో ‘హిమ్మత్‌వాలా'తో స్టార్ హీరోయిన్ అయింది. శ్రీదేవిలో ఎన్నో గొప్ప క్వాలిటీస్ ఉన్నాయి. అందం, అభినయం, డిసిప్లిన్, డాన్స్ ఇలా అన్నీ ఉన్న అతిలోక సుందరి ఆమె. రాఘవేంద్రరావు లాంటి దర్శకుడు ... అని ఆర్ నారాయణ మూర్తి వ్యాఖ్యానించారు.

ఆమె చనిపోయినపుడు దేశం మొత్తం ఏడ్చింది

భారతదేశంలో మహ్మద్ రపీ, రాజేష్ ఖన్నా లాంటి స్టార్స్ చనిపోయినపుడు దేశం మొత్తం ఏడ్చింది. అలాగే శ్రీదేవిగారు చనిపోయినపుడు దేశవ్యాప్తంగా ఉన్న సినీ అభిమానులు కంటతడి పెట్టారు. తెలుగు, తమిళం, హిందీ అని తేడా లేకుండా ఎంతో మందికి ఆమె ఆరాధ్యనటి.

శ్రీదేవి తప్పతడుగు మనకు ఒక సందేశం

మహానటి సావిత్రిగారి చరిత్ర వల్ల ఏ మనిషికైనా ఎకనామికల్ డిసిప్లిన్, హెల్త్ డిసిప్లిన్ రెండూ లేకుంటే ఏమవుతుందో తెలిసింది. శ్రీదేవి చరిత్ర వల్ల... ఏ మనిషైనా జీవితంలో తెలిసో, తెలియకో తప్పటడుగు వేస్తే ఆ అడుగు జీవితాన్ని ఎక్కడి వరకు తీసుకెళుతుంది అనేది తెలిసింది. ప్రియమైన ప్రజలారా మీరందరూ నన్ను గుండెల్లో పెట్టుకుని ఆరాధిస్తున్నారు కానీ మీ అందరికీ నాది ఒకటే విజ్ఞప్తి... జీవితంలో తప్పడుగు వేయకండి అని సందేశం ఇచ్చి వెళ్లి పోయిన మహాతల్లి శ్రీదేవి అని... ఆర్ నారాయణ మూర్తి వ్యాఖ్యానించారు.

మనందరం వారి తీపి గుర్తులమే

మహాకవి ఆత్రేయగారు చెప్పినట్లు పోయినోల్లు అందరూ మంచోళ్లు, ఉన్నోళ్లు పోయినోళ్ల తీపి గురుతులు... మనందరం వారి తీపి గుర్తులమే. ఆ గుర్తులను రామారావుగారు ఈ పుస్తకం ద్వారా మనకు అందించినందుకు ధన్యవాదాలు.