ఆ రెండు లేకపోతే సావిత్రి జీవితం మాదిరిగానే.. నాగఅశ్విన్ హాట్సాఫ్.. ఆర్ నారాయణమూర్తి

తొలిసారి చూసింది అప్పుడే

దాసరి నారాయణరావు గారి దర్శకత్వంలో వచ్చిన గోరింటాకు చిత్ర సమయంలో సావిత్రి గారిని తొలిసారి మద్రాసులో చూశానని నారాయణ మూర్తి అన్నారు. అప్పటికి ఆమె ఆకాశమంత ఎత్తు ఎదిగిన స్టార్. అప్పటికి ఆమెకు బాగా అవకాశాలు తగ్గాయని నారాయణ మూర్తి తెలిపారు.

చిరు మందహాసం

ఆ సమయంలో సావిత్రి గారిని దూరం నుంచి చూసే వాడిని. ఎంత మంది ఆమెని కలసినా చిరు మందహాసంతోనే పకరించేది. లేదనకుండా ఉన్నది దానం చేసే దయా గుణం ఆమె సొంతం అని నారాయణ మూర్తి అన్నారు.

మహానటి చిత్ర యూనిట్‌కు సెల్యూట్

సావిత్రిగారి మరణం ప్రపంచ సినిమాకే తీరని లోటు అని నారాయణ మూర్తి అన్నారు. అలాంటి సావిత్రి గారి జీవితాన్ని దర్శకుడు నాగ అశ్విన్ అద్భుతంగా తెరకెక్కించారని, నాగ అశ్విన్ కు హ్యాట్సాఫ్ అని నారాయణ మూర్తి ప్రశంసించారు.

ఆ రెండు లేకపోతే

సావిత్రి గారు జీవితాన్ని అంతా చూసే విధంగా, తెలుసుకునే విధంగా మహానటి చిత్రాన్ని రూపొందించారు. ఏ మనిషికైనా ఆరోగ్యం, ఆర్థిక స్థితి విషయంలో శ్రద్ద ఉండాలని, లేకుంటే జీవితం తలక్రిందులు అవుతుందనే సందేశాన్ని సావిత్రి గారు అందరికి తెలియజేశారని నారాయణ మూర్తి అన్నారు.