Don't Miss!
- News జగన్ సంచలనం..వైఎస్ భారతికి కీలక బాధ్యతలు
- Technology OnePlus Watch 2 వన్ప్లస్ వాచ్ 2 కొత్త వేరియంట్ విడుదల.. ధర, సేల్ పూర్తి వివరాలు..!
- Sports SRH vs RCB: అందుకే వాషింగ్టన్ సుందర్పై వేటు వేసాం: ప్యాట్ కమిన్స్
- Lifestyle పాలలో తామరవిత్తనాలు కలుపుకొని తాగితే ఇన్ని ప్రయోజనాలుంటాయా..?
- Finance Jio Cinema Premium: నెలకు 29లతో జియో ప్రీమియం..
- Automobiles వందేభారత్ రైళ్లలో 1 లీటర్ వాటర్ బాటిల్ రద్దు.. రైల్వే శాఖ కీలక నిర్ణయం
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
ఆ రెండు లేకపోతే సావిత్రి జీవితం మాదిరిగానే.. నాగఅశ్విన్ హాట్సాఫ్.. ఆర్ నారాయణమూర్తి
Recommended Video
విప్లవాత్మక చిత్రాలకు మారు పేరు ఆర్ నారాయణ మూర్తి. ఎన్నో విప్లవాత్మక చిత్రాలలో నటించిన ఆర్ నారాయణ మూర్తి ప్రజల్లో చైతన్యం కలిగించడానికి ప్రయత్నించారు. లెజెండరీ నటి సావిత్రి జీవిత గాధగా వచ్చిన మహానటి చిత్రం ప్రేక్షకాదరణతో ఘనవిజయం సాధించింది. ఈ చిత్రంపై ఆర్ నారాయణ మూర్తి ప్రశంసల జల్లులు కురిపించారు. మహానటి సావిత్రి గురించి నారాయణ మూర్తి అద్భుత విషయాలు వెల్లడించారు.
తొలిసారి చూసింది అప్పుడే
దాసరి నారాయణరావు గారి దర్శకత్వంలో వచ్చిన గోరింటాకు చిత్ర సమయంలో సావిత్రి గారిని తొలిసారి మద్రాసులో చూశానని నారాయణ మూర్తి అన్నారు. అప్పటికి ఆమె ఆకాశమంత ఎత్తు ఎదిగిన స్టార్. అప్పటికి ఆమెకు బాగా అవకాశాలు తగ్గాయని నారాయణ మూర్తి తెలిపారు.
చిరు మందహాసం
ఆ సమయంలో సావిత్రి గారిని దూరం నుంచి చూసే వాడిని. ఎంత మంది ఆమెని కలసినా చిరు మందహాసంతోనే పకరించేది. లేదనకుండా ఉన్నది దానం చేసే దయా గుణం ఆమె సొంతం అని నారాయణ మూర్తి అన్నారు.
మహానటి చిత్ర యూనిట్కు సెల్యూట్
సావిత్రిగారి మరణం ప్రపంచ సినిమాకే తీరని లోటు అని నారాయణ మూర్తి అన్నారు. అలాంటి సావిత్రి గారి జీవితాన్ని దర్శకుడు నాగ అశ్విన్ అద్భుతంగా తెరకెక్కించారని, నాగ అశ్విన్ కు హ్యాట్సాఫ్ అని నారాయణ మూర్తి ప్రశంసించారు.
ఆ రెండు లేకపోతే
సావిత్రి గారు జీవితాన్ని అంతా చూసే విధంగా, తెలుసుకునే విధంగా మహానటి చిత్రాన్ని రూపొందించారు. ఏ మనిషికైనా ఆరోగ్యం, ఆర్థిక స్థితి విషయంలో శ్రద్ద ఉండాలని, లేకుంటే జీవితం తలక్రిందులు అవుతుందనే సందేశాన్ని సావిత్రి గారు అందరికి తెలియజేశారని నారాయణ మూర్తి అన్నారు.