కోర్టు చిక్కుల్లో షారుఖ్ రా.వన్

By Bojja Kumar

Published: Monday, May 28, 2012, 17:38 [IST]

ఈ మధ్య ఏ పెద్ద సినిమా సంగతి చూసినా విడుదలకు ముందు కోర్టు చిక్కులు ఎదుర్కోవడం సర్వ సాధారణం అయి పోయింది. సినిమాలో అభ్యంతరకర సన్నివేశాలో, లేక కథను కాపీ కొట్టారనే సాకుతోనో సినిమాపై కేసులు పెడుతున్నారు. తాజాగా షారుఖ్ ఖాన్ హీరోగా రూపొందుతున్న భారీ బడ్జెట్ సినిమా రా.వన్ కూడా కోర్టు చిక్కుల్లో ఇరుక్కుంది. ప్రఖ్యాత టెలివిజన్ నిర్మాత యష్ పట్నాయర్ రా.వన్ సినిమాలోని సూపర్ హీరో పాత్రను సంబంధించిన కథలోని పాత్ర నుంచి కాపీ కోట్టారని ఆరోపిస్తూ బాంబే హైకోర్టులో పిటీషన్ వేశారు. తనకు రూ. కోటి పరిహారం చెల్లించిన తర్వాతే సినిమాను విడుదలకు అనుమతించాలని తన పిటీషన్ లో పేర్కొన్నాడు.

షారుఖ్, కరీనా జంటగా షారుఖ్ సొంత నిర్మాన సంస్థ అయిన రెడ్ చిల్లీస్ బ్యానర్ పై ఆయన భార్య గౌరీ ఖాన్ భారీ బడ్జెట్ తో ఈ సినిమాను రూపొందించారు. అర్జన్ రామ్ పాల్, అర్మాన్ వర్మ, షహాన గోస్వామి, తామ ముఖ్య పాత్రల్లో కనిపించనున్నారు. సూపర్ స్టార్ రజనీకాంత్ ఇందులో అతిథి పాత్రలో కనిపించబోతున్నారు. అనుభవన్ సిన్హా దర్శకత్వం వహిస్తున్న ఈ సినిమా దీపావళి కానుకగా హిందీ, ఇంగ్లిష్ తో పాటు తెలుగు, తమిళ భాషల్లో అక్టోబర్ 26న సినిమాను విడుదల చేసేందుకు ఏర్పాట్లు చేశారు. విశాల-శేఖర్ సంగీతం అందిస్తున్నారు.

More from Filmibeat