అల్లు అరవింద్ ఎదురుదెబ్బ.. మగధీరపై గెలిచిన రాబ్దా.. కేసు వాపస్

మగధీరతో సంబంధం లేదు..

2000 సంవత్సరంలో నిర్మించిన మగధీర చిత్ర కథను తమ అనుమతి లేకుండా తస్కరించారని రాబ్తా నిర్మాతకు ఆ చిత్ర నిర్మాత అల్లు అరవింద్ లీగల్ నోటీసుల పంపించారు. ఆ నేపథ్యంలో తమ చిత్రాన్ని చూసి ఆ తర్వాత స్పందించాలని అల్లు అరవింద్‌ను రాబ్దా నిర్మాతలు కోరిన సంగతి తెలిసిందే. అయితే కోర్టు విచారణ సందర్భంగా రెండు చిత్రాల కథలు వేర్వేరు. కథలో సారూప్యం లేదు అని రాబ్దా నిర్మాతలు రుజువు చేయడంలో సఫలమయ్యారు.

కేసు వాపసు తీసుకొన్న అల్లు అరవింద్

రాబ్దా కథ మా సినిమా కథే అని చేసిన ఆరోపణలకు ఎలాంటి సాక్ష్యం లేకపోవడంతో మగధీర నిర్మాత అల్లు అరవింద్ గురువారం పిటిషన్ వాపసు తీసుకొన్నారు. దాంతో కథా చౌర్యం కేసుకు తెరపడింది. రాబ్దా సినిమా విడుదలకు మార్గం సుగమమైంది.

కథను కాపీ కొట్టలేదు..

రాబ్దా సినిమాకు మగధీర కథకు ఎలాంటి పోలికలు లేవు అనే విషయాన్ని సవవిరంగా కోర్టుకు సాక్ష్యాలు సమర్పించాం. మగధీర యుద్ద సన్నివేశాలను కాపీ కొట్టామని చేసిన ఆరోపణలకు సరైన ఆధారాలకు సమర్పించాం. దాంతో మగధీర చిత్ర నిర్మాతలు తమ కేసును ఉపసంహరించుకొన్నారు అని రాబ్దా చిత్ర దర్శకుడు దినేష్ విజన్ మీడియాకువ వెల్లడించారు.

యుద్ధ సన్నివేశాలతో సంబంధం లేదు..

రాబ్దా కథ, విలన్ క్యారెక్టర్, విదేశీ లోకేషన్లు, చిత్ర క్లైమాక్స్, తదితర విషయాలకు మగధీర సినిమాకు ఎలాంటి సంబంధం లేదు కోర్టుకు వెల్లడించాం. మగధీర సినిమాలోని యుద్ధ సన్నివేశాలను కాపీ కొట్టలేదు అని స్పష్టంగా కోర్టుకు తెలియజేశాం అని దర్శకుడు దినేష్ విజన్ తరఫు న్యాయవాది పేర్కొన్నారు.