మంచి సినిమాని చంపేసారు, ఘోరమైన రివ్యూలు రాసారు: పాపం లక్ష్మీరాయ్ ఆవేదన

ఓకే చెప్పలేకపోయాను

దక్షిణాదిన నా సినిమాలు చూసి నాకు "జూలీ 2"లో అవకాశం ఇచ్చారు. ఈ సినిమాకు కొత్త ఫేస్‌ అయితే బాగుంటుందని దర్శకనిర్మాతలు అనుకున్నారట! అవకాశం రాగానే సంతోషం అనిపించినా, వెంటనే ఓకే చెప్పలేకపోయాను. దాదాపు నెల రోజులపాటు ఆలోచించాను. ఈ సినిమా కోసం మునుపెన్నడూ పడనంత కష్టం పడ్డాను.

స్వేచ్ఛ తప్ప వివాదాలు ఉండవు

కచ్చితంగా దక్షిణాది పరిశ్రమే బాగుంది. ఇక్కడ స్వేచ్ఛ ఉంటుందే తప్ప వివాదాలు ఉండవు. బెదిరింపులు ఉండవు. ఏ సినిమాని అయినా ధైర్యంగా చేయవచ్చు. ‘పద్మావతి' సినిమానే తీసుకుంటే...ఆ సినిమా ఇక్కడ తీస్తే ఇంత వివాదం ఉండదని నాకు అనిపిస్తుంది. ఈ సినిమా చేసినందుకు దీపికను ఎంత హింస పెడుతున్నారో చూస్తుంటే కోపం వస్తుంది.

ఆ స్థితిలో నేనుంటేనా?

కానీ, సినిమాలో ఏం చూపించారో తెలియకుండా స్పందించడం బాగుండదని అనుకున్నాను. నేను కానీ, దీపికా కానీ పాత్రలో నటిస్తామే తప్ప వాటితో మాకెలాంటి సంబంధం ఉండదు కదా! ఆ మాత్రం ఆలోచించకుండా ఆమె తల మీద వెల కడితే ఏం అనాలి? దీపిక ధైర్యవంతురాలు కనుక తట్టుకుంటోంది. ఆ స్థితిలో నేనుంటేనా? అనుకుంటే ఒళ్ళు జలదరిస్తుంది. అని చెప్పింది లక్ష్మీరాయ్...

బాలీవుడ్‌పై దృష్టి

పాపం ఇంత ప్రేమ ఉన్నా ద‌క్షిణాదిన ఆశించినంత గుర్తింపు మాత్రం రాక‌పోవ‌డంతో బాలీవుడ్‌పై దృష్టి పెట్టింది రాయ్ ల‌క్ష్మి. `జూలీ-2` వంటి ఎరోటిక్ సినిమాలో అవ‌కాశం ద‌క్కించుకుని సెక్స్ బాంబ్‌గా బాలీవుడ్‌కు ప‌రిచ‌య‌మ‌వుదామ‌నుకుంది. అయితే ఇటీవ‌ల విడుద‌లైన ఆ సినిమా రాయ్ ల‌క్ష్మి ఆశ‌ల‌పై నీళ్లు చ‌ల్లింది.

మీడియాపై నిప్పులు

విమ‌ర్శ‌కులు దారుణంగా రేటింగ్‌లు ఇవ్వ‌డంతో ప్రేక్ష‌కులెవ‌రూ ఆ సినిమాను, రాయ్ ల‌క్ష్మిని కనీస స్థాయిలో కూడా ప‌ట్టించుకోలేదు. దీంతో రాయ్‌ల‌క్ష్మి మీడియాపై నిప్పులు చెరిగింది. `మా సినిమాను మీడియా అతి దారుణంగా చంపేసింది. మంచి కంటెంట్ ఉన్న సినిమాకు ఘోర‌మైన రివ్వూలు రాసి తొక్కేసింది.

రాయ్‌ల‌క్ష్మి ఆవేద‌న

సినీ ప‌రిశ్ర‌మ‌లోని చీక‌టి కోణాన్ని చూపించినందువ‌ల్లే ఈ ప‌రిస్థితి ఎదురైంది. మా సినిమా నిర్మాత కూడా ప‌బ్లిసిటీ మీద పెద్ద‌గా దృష్టి పెట్ట‌లేదు. వ్యూహాత్మకంగా ప్ర‌చారం నిర్వ‌హించి ఉంటే ఫ‌లితం మ‌రోలా ఉండేద‌`ని రాయ్‌ల‌క్ష్మి ఆవేద‌న వ్య‌క్తం చేసింది.