'రాశి' మరో ప్రయత్నం

రాశి, ఒకప్పుడు తన అందం, అభినయంతో తెలుగు ప్రేక్షకుల మదిలో చెరగని ముద్రవేసిన నాయిక. పెళ్లి తర్వాత సినిమాలకు దూరమైన ఈ తార తన భర్త నివాస్ ను దర్శకుడిగా నిలబెట్టేందుకు గట్టి ప్రయత్నాలే చేస్తోంది. ఈ మధ్యనే నివాస్ దర్శకత్వంలో రిషి కథానాయకుడిగా 'మహా రాజశ్రీ' అనే సినిమాను నిర్మించి చేతులు కాల్చుకున్న రాశి, మరో సారి తన భర్త కోసం సినిమాను నిర్మించే పనిలో వున్నారట.

ఇందులో భాగంగా ఈ మధ్య పబ్లిక్ ఫంక్షన్లకు దూరంగా వుంటున్న రాశి, మొన్న జరిగిన సంతోషం ఫిలిం ఫేర్ అవార్డుల కార్యక్రమానికి హాజరయ్యారు. మునుపటి లాగే భారీగా కనిపించినా, చూడటానికి చాలా బాగుందన్న అభిప్రాయం వ్యక్తమవుతోంది. కాస్త ఒళ్లు తగ్గించుకుంటే తిరిగి సినిమాల్లో రీ-ఎంట్రీ ఇచ్చే అవకాశం వున్నా రాశి ఇందుకు సుముఖంగా లేరని సమాచారం..