ఎన్టీఆర్ గట్టేక్కడా? ‘రభస’ మౌత్ టాక్ ఎలా ఉంది?

By Bojja Kumar

Updated: Friday, August 29, 2014, 11:57 [IST]

హైదరాబాద్: యంగ్ టైగర్ జూ ఎన్టీఆర్ నటించిన 'రభస' చిత్రం భారీ అంచనాల మధ్య ఈ రోజు విడుదలైంది. ఎన్టీఆర్ సినిమా అంటే డిమాండ్ భారీగా ఉంటుంది. అందుకు తగిన విధంగానే సినిమాను ప్రపంచ వ్యాప్తంగా 1200 థియేటర్లలో విడుదల చేసారు. ఓవర్సీస్‌తో పలు తెలుగునాట పలు ప్రాంతాల్లో సినిమా ప్రీమియర్ షోలు, బెనిఫిట్ షోలు వేసారు.

ఈ రోజు ఉదయమే సినిమా టాక్ ఏమిటో బయటకు వచ్చింది. 'రభస' చిత్రం ఎన్టీఆర్ అభిమానులు సంతృప్తి పడేలా ఉందని అంటున్నారు. సినిమా మొత్తం ఎన్టీఆర్ ఆల్ రౌండ్ పెర్ఫార్మెన్స్ ఇచ్చాడని, కామెడీ, యాక్షన్, డాన్స్ ఇలా అన్ని అంశాల్లోనూ ఇరగ దీసాడని అంటున్నారు.

సినిమా ఫస్టాఫ్ విషయానికొస్తే....జస్ట్ ఓకే అనే విధంగా ఉందని టాక్. సెకండాఫ్ ఇంకాస్త మోరుగ్గా ఉందంటున్నారు. మొత్తం మీద 'రభస' చిత్రం సగటు సాధారణ ప్రేక్షకుల్లో కొందరికి యావరేజ్ అనుభూతిని కలిగిస్తే....మరికొందరికి ఎబో యావరేజ్ అనుభూతి కలిగిస్తోంది. అయితే ఎన్టీఆర్ వీరాభిమానులు మాత్రం సినిమా సూపర్ హిట్ అంటున్నారు. మొత్తం మీద మిక్స్‌డ్ టాక్ వినిపిస్తోంది.

అయితే సినిమాలో కమర్షియల్ అంశాలు మెండుగా ఉండటంతో....రివ్యూలు అనుకూలిస్తే మంచి ఫలితాలు సాధిస్తుందని అంటున్నారు. అయితే ప్రీమియర్ షోలు, బెనిఫిట్ షోలో చూసిన వారిలో ఎక్కువ శాతం ఎన్టీఆర్ అభిమానులే కాబట్టి వారు చెప్పిన వివరాలు బట్టి......వాస్తవంగా సినిమా పరిస్థితి ఏమిటేనేది అంచనా వేయడం కష్టంగా ఉంది. ఫస్ట్ డే గడిస్తే సినిమా ఫలితాలపై పూర్తి అవగాహనకు వచ్చే అవకాశం ఉందని అంటున్నారు.

స్లైడ్ షోలో సినిమా చూసిన వారి అభిప్రాయాలు