రామ్ చరణ్ తిరుగు టపా...

By Bojja Kumar

Published: Saturday, November 26, 2011, 13:40 [IST]

మెగా పవర్ స్టార్ రామ్ చరణ్ త్వరలో 'రచ్చ" సినిమా ద్వారా థియేటర్లలో రచ్చ చేయడానికి వస్తున్న సంగతి తెలిసిందే. ఈ సినిమాకు ఏమైంది ఈ వేళ దర్శకుడు సంపత్ నంది దర్శకత్వం వహిస్తున్నారు. ఇందులో రామ్ చరణ్ సరసన తమన్నా రొమాన్స్ చేస్తోంది. ప్రస్తుతం రచ్చ సినిమా షూటింగ్ చైనాలో జరుగుతోంది. ఇక్కడి అందమైన దట్టమైన అడవుల్లో షూటింగ్ జరిగింది. తాజాగా అందిన సమాచారం ప్రకారం చైనాలో చర్చ సినిమా షూటింగ్ షెడ్యూల్ పూర్తయింది. రామ్ చరణ్ తో పాటు సినిమా యూనిట్ సభ్యులాంతా తిరుగుటపా కట్టడానికి సిద్దమయ్యారు. మరో నాలుగు రోజుల్లో ఉపాసనతో నిశ్చితార్థం ఉన్న నేపథ్యంలో....యూనిట్ సభ్యులకంటే ముందుగానే రామ్ చరణ్ హైదరాబాద్ చేరుకుంటారని తెలుస్తోంది.

ఈ చిత్రంలో తన తండ్రి చిరంజీవి నటించిన గ్యాంగ్ లీడర్ సినిమాలోని ఓ పాట రీమిక్స్ లో చరణ్ స్టెప్పులేయనున్నాడు. ఈ పాట కోసం చరణ్ బీభత్సమైన ప్రాక్టీస్ చేశాడని ప్రచారం జరుగుతోంది టాలీవుడ్ సర్కిల్స్ లో. చిరంజీవి నటించిన 'ఘరానా మొగుడు" సినిమాలోని 'బంగారు కోడీ పెట్ట…" పాటను రీమిక్స్ చేసి 'మగధీర" సినిమాలో స్టెప్పులేసి క్రేజ్ పెంచుకొన్న మెగాపవర్ స్టార్ మళ్ళీ రచ్చతో రచ్చచేసేయనున్నాడు. రచ్చ సినిమాను మెగా సూపర్ గుడ్ మూవీస్ బ్యానర్ పై ప్రసాద్ జైన్, ఎన్ వి ప్రసాద్ నిర్మిస్తున్నారు. ఆర్ బి చౌదరి ఈ చిత్రానికి సమర్పకులు. మణి శర్మ సంగీతం అందించారు.

More from Filmibeat