రాధే శ్యామ్ మూవీ రిలీజ్ ఫిక్స్! ప్రభాస్ సినిమా రిలీజ్ ఎప్పుడంటే!

సాహో రిలీజ్ తర్వాత

సాహో తర్వాత ప్రభాస్ నటిస్తున్న రాధేశ్యామ్ చిత్రం లాక్‌డౌన్ కారణంగా విడుదల ఆలస్యమైంది. వాస్తవానికి గతేడాది వేసవిలో ఈ సినిమాను ప్రేక్షకుల ముందుకు తీసుకురావాలని ప్రయత్నించారు. కరోనా కారణంగా ఇటలీలో షూట్ ఆగిపోవడం, థియేటర్లు మూత పడటంతో సినిమా విడుదల ఆగిపోయింది.

జనవరిలో ట్రైలర్ ప్లాన్

ఇక సినిమాను త్వరగా ప్రేక్షకుల ముందుకు తీసుకువచ్చే ప్రయత్నాన్ని యూవీ క్రియేషన్స్ ప్లాన్ చేస్తున్నట్టు సమాచారం. జనవరిలో ట్రైలర్‌ను రిలీజ్ చేయడానికి సన్నద్ధం అవుతున్నట్టు తెలుస్తున్నది. ఈ మేరకు ప్రభాస్ అభిమానులను హుషారెత్తించేందుకు కొద్ది రోజుల్లో నిర్మాతలు అధికారిక ప్రకటన చేయనున్నారు.

ప్రపంచవ్యాప్తంగా రిలీజ్ ఎప్పుడంటే

అలాగే తెలుగు, హిందీ, తమిళ, కన్నడ, మలయాళ భాషల్లో రూపొందుతున్న రాధేశ్యామ్ సినిమాను ప్రపంచవ్యాప్తంగా రిలీజ్ చేసేందుకు ప్లానింగ్ మొదలైంది. ఈ సినిమాను 2021 మార్చి 30వ తేదీన రిలీజ్ చేయడానికి యువీ క్రియేషన్స్ ప్లాన్ చేసినట్టు తెలిసింది.

తెర ముందు.. తెర వెనుక

నటీనటులు: ప్రభాస్, పూజా హెగ్డే, సచిన్ ఖేడ్కర్, ప్రియదర్శి పులికొండ, భాగ్య శ్రీ, మురళీ శర్మ, కునాల్ రాయ్ కపూర్, సత్యన్, సాషా చెత్రి తదితరులు
దర్శకత్వం: రాధా కృష్ణ కుమార్
నిర్మాతలు: వంశీకృష్ణారెడ్డి, ప్రమోద్, ప్రసీదా ఉప్పలపాటి
మ్యూజిక్: జస్టిన్ ప్రభాకరన్
సినిమాటోగ్రఫి: మనోజ్ పరమహంస
ఎడిటింగ్: కోటగిరి వెంకటేశ్వరరావు
బ్యానర్: యూవీ క్రియేషన్స్