For Quick Alerts
    ALLOW NOTIFICATIONS  
    For Daily Alerts

    నాగశౌర్యను పరామర్శించిన రాఘవేంద్ర రావు.. త్వరగా కోలుకోవాలని ఆకాంక్ష

    |

    ఇటీవలి కాలంలో తెలుగు సినిమా హీరోలకు జరుగుతున్న వరుస ప్రమాదాలు ఇండస్ట్రీని కలవర పెడుతున్నాయి. యంగ్ హీరో నాగశౌర్య షూటింగ్‌లో భాగంగా గత వారం ప్రమాదానికి గురైన సంగతి తెలిసిందే. ఈ ప్రమాదంలో గాయపడిన ఆయన ప్రస్తుతం తన ఇంట్లోనే చికిత్స పొందుతూ రెస్ట్ తీసుకుంటున్నాడు.

    అయితే ఈ రోజు (బుధవారం) నాగశౌర్యను పరామర్శించేందుకు గాను దర్శకేంద్రుడు రాఘవేంద్ర రావు, డైరెక్టర్ కమ్ రైటర్ బీవీఎస్ రవి వచ్చారు. ఆయన కాలికి తగిలిన గాయాన్ని చూసి త్వరలోనే కోలుకొని తిరిగి యదా స్థితికి రావాలని ఆకాంక్షించారు. ఈ సందర్బంగా అక్కడ తీసిన కొన్ని ఫోటోలను నిర్మాత, పీఆర్ఓ సురేష్ కొండేటి సోషల్ మీడియాలో షేర్ చేశారు. తన సొంత బ్యానర్‌లో ప్రొడక్షన్ నెంబర్ 3 గా రూపొందుతున్న సినిమా షూట్‌లో భాగంగా నాగ శౌర్య గాయపడ్డారు.

    Raghavendra Rao and B. V. S. Ravi Met Naga Shaurya In His home

    ఐరా క్రియేషన్స్ పేరుతో ఓ సొంత బ్యానర్ ప్రారంభించిన నాగ శౌర్య ఈ బ్యానర్‌పై స్వయంగా తానే హీరోగా నటిస్తూ కొత్త సినిమా మొదలు పెట్టేశాడు. రమణ తేజ అనే కొత్త దర్శకుడు ఈ సినిమాకు దర్శకత్వం వహిస్తున్నాడు. చిత్రంలో నాగ శౌర్య సరసన మెహ్రీన్ హీరోయిన్‌గా నటిస్తోంది. జూన్ 14 వ తేదీన వైజాగ్‌లో షూటింగ్ చేస్తుండగా ప్రమాదం జరగడంతో నాగ శౌర్య కాలు ఫ్యాక్చర్ అయింది. ఆయనను పరిశీలించిన వైద్యులు నెల రోజుల పాటు రెస్ట్ తీసుకోవాలని సూచించారు.

    ఈ మేరకు తన సినిమా షూటింగులకు బ్రేక్ ఇచ్చాడు నాగ శౌర్య. పూర్తిగా కోలుకున్నాకే ఆయన సెట్స్ పైకి వెళ్లనున్నాడు. సమంత ప్రధాన పాత్రలో రూపొందుతున్న ఓ బేబీ చిత్రంలో కూడా నాగ శౌర్య నటిస్తున్నాడు. అయితే ఈ సినిమా షూటింగ్ ఇప్పటికే పూర్తికావడంతో ఎలాంటి సమస్య తలెత్తలేదు. ప్రస్తుతం ప్రమోషన్ కార్యక్రమాలతో బిజీగా ఉన్న ఈ సినిమా మరికొద్ది రోజుల్లోనే ప్రేక్షకుల ముందుకు రానుంది.

    English summary
    Naga Shaurya's IRA Creations now doing third project. In this movie hero as Naga Shaurya. On the sets of Vizag location Naga Shaurya injured in shooting. He was taking rest in his home. Today Kovelamudi Raghavendra Rao and B. V. S. Ravi met him
     
    న్యూస్ అప్ డేట్స్ వెంటనే పొందండి
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X