Don't Miss!
- News గజలక్ష్మీ యోగం.. నేటినుండి ఈ రాశులవారికి ధనలక్ష్మీ కటాక్షం
- Finance SBI MF: ప్రైవేట్ బ్యాంక్ దెబ్బతో రూ. 1,200 కోట్లకు పైగా నష్టపోయిన ఎస్బీఐ మ్యుచువల్ ఫండ్..
- Sports SRHను చూస్తే భయమేస్తోంది- పాక్ దిగ్గజం
- Technology కొత్త సబ్స్క్రిప్షన్ ప్లాన్లను విడుదల చేసిన జియో సినిమా... యాడ్ ఫ్రీ, 4K కంటెంట్ సహా అనేక ప్రయోజనాలు..!
- Lifestyle బీట్రూట్ జ్యూస్ తాగితే ఇన్ని ప్రయోజనాలా..? వారంపాటు తాగితే ఎలాంటి ఫలితముంటుందంటే..?
- Automobiles 2024 Jeep Wrangler Facelift Review Video జీప్ రాంగ్లర్ ఫేస్లిఫ్ట్ ఆఫ్రోడర్ ఫుల్ రివ్యూ వీడియో
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
పాడు చేయరు కదా: 'మిస్సమ్మ' రీమేక్
బెంగళూరు : ఒక భాషలో విజయవంతమైన చిత్రాలను మరో భాషలోకి డబ్బింగో, రీమేక్ చేస్తూంటారు. అయితే కన్నడంలో డబ్బింగ్ లేకపోవటంతో అన్నీ రీమేక్ లే జరుగుతూంటాయి. అలాంటప్పుడు ఇక్కడ సినిమాను అక్కడ నేటివిటీ పేరుతో ఏమన్నా మార్పులు చేసి, పాడు చేసారా లేక ఇంకా బాగా చేసారా అనే సందేహాలు కలుగుతూంటాయి సినిమా అభిమానులకు.
తాజాగా తెలుగులో మంచి విజయం సాధించి, విమర్శకుల ప్రశంసలు పొందిన 'మిస్సమ్మ' కన్నడలో 'నమస్తే మేడమ్'గా రూపొందుతోంది. ఇటీవలే ఆడియోను విడుదల చేశారు. చిత్రీకరణ దాదాపు పూర్తి కావచ్చింది. మిస్సమ్మ పాత్రను రాగిణి పోషించగా నందగోపాల్గా శ్రీనగర కిట్టి, భార్యగా నికీశ నటించారు. బుల్లితెరపై అనేక ధారావాహికలకు దర్శకత్వం వహించిన రవి.ఆర్.గిరిణి ఈ సినిమాకు నిర్మాత. రఘురాజ్ దర్శకుడు.
ఆరేళ్ల క్రితమే రీమేక్ హక్కుల్ని సొంతం చేసుకున్నా చిత్రీకరణలో జాప్యం జరిగినట్లు నిర్మాత తెలిపారు. ఓ మంచి సినిమాను ప్రేక్షకులకు అందిస్తున్నాననే తృప్తి ఉందన్నారు. తెలుగులో విజయం సాధించినట్లుగానే కన్నడలో కూడా ప్రేక్షకాదరణ లభిస్తుందన్న ఆశాభావం వ్యక్తం చేశారు.
భూమిక,లయ,శివాజి కాంబినేషన్ లో వచ్చి హిట్టైన మిస్సమ్మ చిత్రం గుర్తుండే ఉంటుంది. నీలకంఠ దర్శకత్వంలో రూపొందిన ఈ చిత్రం 2003లో విడుదలై ఓల్యాండ్ మార్క్ సినిమాగా బూమిక కెరీర్ లో నిలిచిపోయింది. ఇప్పుడా సినిమా కన్నడ రీమేక్ రిలీజ్ కు రెడీ అవుతోంది.