మొత్తానికి రూమర్లకు అలా చెక్.. నోయల్‌ను ఎట్టకేలకు పట్టేసుకున్నానంటోన్న రాహుల్

Recommended Video

Bigg Boss Telugu 4 : Rahul Sipligunj Slams Trollers

మంచి బంధం..

రాహుల్ సిప్లిగంజ్, నోయల్ మధ్య మంచి బంధం ఉంది. అన్నా అంటూ నోయల్ వెనకాల తిరుగుతుంటాడు రాహుల్. మూడో సీజన్ సమయంలో రాహుల్‌కు నోయల్ బయటి నుంచి బాగానే సపోర్ట్ చేశాడు. చివరి వరకు రాహుల్ కోసం నోయల్ అండగా నిలబడ్డాడు.

నాల్గో సీజన్‌లో అలా..

బిగ్ బాస్ నాల్గో సీజన్‌లో నోయల్ ఎంట్రీ ఇచ్చిన క్షణం నుంచి గాయాలు, అనారోగ్యంతో బయటకు వెళ్లే క్షణం వరకు రాహుల్ మద్దతు ఇస్తూనే వచ్చాడు. నోయల్ బయటకు వచ్చాక.. నోయల్ స్నేహితుడు కాబట్టి అభిజిత్‌కు సపోర్ట్ చేస్తున్నానని చెప్పాడు. కొన్ని రోజుల తరువాత సోహెల్‌కు సపోర్ట్ చేయడం ప్రారంభించాడు.

నోయల్ ఇలా రాహుల్ అలా..

బిగ్ బాస్ షో నాల్గో సీజన్ నడిచినంత కాలం అభిజిత్‌కు నోయల్ సపోర్ట్ చేయగా.. సోహెల్ అరియానాలకు రాహుల్ సిప్లిగంజ్ సపోర్ట్ చేశాడు. ఇదే విషయంలో ఈ ఇద్దరి మధ్య చెడిందనే రూమర్లు పుట్టుకొచ్చాయి. నోయల్‌ను అన్ ఫ్రెండ్ చేశాడని, బర్త్ డేకు విష్ చేయలేదని రకరకాల వార్తలు వచ్చాయి.

ఊకో కాక కోసం..

రాహుల్ సిప్లిగంజ్ ఫిల్మ్ నగర్‌లో ప్రారంభించిన ఊకో కాక కోసం నోయల్ వచ్చాడు. మొదటి బోణీ కూడా నోయలే చేశాడు. అలా నోయల్ రాహుల్ చాలా రోజుల తరువాత కలిశారు. అలా కలిసి తమ మధ్య ఏమీ లేదని పరోక్షంగా తేల్చి చెప్పారు.

మళ్లీ ఇప్పుడు..

తాజాగా రాహుల్ ఓ ఫోటోను షేర్ చేశాడు. ఇందులో నోయల్‌తో ఫోటో దిగుతూ.. ఎట్టకేలకు పట్టేశా దొరికాడు అంటూ చెప్పుకొచ్చాడు. అలా ఈ ఇద్దరి మధ్య ఉన్న బంధం గురించి, బయట వస్తోన్న రూమర్లకు చెక్ పెట్టేశాల పోస్ట్ చేశాడు.