For Quick Alerts
    ALLOW NOTIFICATIONS  
    For Daily Alerts

    రాజా, మంజరి 'ఇంకోసారి' మ్యాటర్ ఏంటి?

    By Srikanya
    |

    రాజా, మంజరి జంటగా సుమన్‌ పాతూరి ని దర్శకుడుగా పరిచయం చేస్తూ 'ఇంకోసారి' చిత్రం రెడీ అవుతున్న సంగతి తెలిసిందే. ఇక ఈ చిత్రం కధ గురించి నిర్మాత చెబుతూ.. 'కాలేజీలో సరదాగా గడిపిన ఫ్రెండ్స్‌ ఆ తర్వాత ఎక్కడెక్కడో సెటిలవుతారు. ఫ్రెండ్స్‌తో ఇంకోసారి సరదాగా గడపాలని ప్రతి ఒక్కరూ అనుకుంటారు. అలా ఇంకోసారి కలుసుకున్న స్నేహితుల కథే ఈ చిత్రం. ఆ కలయిక వారి జీవితాలను ఎలా ప్రభావితం చేసిందనేది అత్యంత ఆసక్తికరంగా ఉంటుంది..స్నేహం నేపథ్యంలో పూర్తి వినోదాత్మకంగా ఉండే చిత్రమిది...అంటున్నారు.

    అలాగే ఈ ఇంకోసారి చిత్రం అన్ని కార్యక్రమాలు పూర్త చేసుకుని విడుదలకు రెడీ అయింది. ఈ చిత్రం ఆడియోను నవంబర్‌ 4న జంగ్లీ మ్యూజిక్‌ ద్వారా మార్కెట్లోకి విడుదల కానుంది. మహేష్‌ శంకర్‌ సంగీతం అందిస్తున్నారు. ఈ సందర్భంగా హీరో రాజా మాట్లాడుతూ, 'దాదాపు నాలుగేళ్ళ తర్వాత మళ్లీ 'వెన్నెల' టీమ్‌తో, అదే స్పిరిట్‌తో ఈ సినిమా చేశాను. 'వెన్నెల' స్థాయిలోనే ఈ చిత్రం ప్రేక్షకులను ఆకట్టుకుంటుందని ఆశిస్తున్నాను' అన్నారు. దర్శకుడు సుమన్‌ పాతూరి మాట్లాడుతూ, 'స్నేహం, వినోదం, మంచి సంగీతం ఈ బిజీ జీవితంలో సేద తీరడానికి ఎవరైనా కోరుకునేవి. ఈ మూడు అంశాలూ ప్రధానంగా, ఆహ్లాదభరితంగా ఈ సినిమా ఉంటుంది' అని తెలిపారు. బెస్టాఫ్ లక్ సుమన్ పాతూరి.

     
    న్యూస్ అప్ డేట్స్ వెంటనే పొందండి
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X