రాజమౌళి ఇప్పుడు ఫీలవుతున్నాడు

By Srikanya

| Published: Tuesday, May 13, 2014, 8:30 [IST]

హైదరాబాద్ : ప్రముఖ దర్శకుడు రాజమౌళి దర్శకత్వం వహించిన 'ఛత్రపతి' సినిమా ఇటీవల ఓ ఛానల్‌లో ప్రసారమైంది. దీన్ని చూసిన ఆయన ఆ సినిమాలో మరిన్ని మార్పులు చేస్తే మరింత ఎఫెక్టివ్ గా ఉండేదని ఫీలవుతున్నారు. ఈ విషయం ఆయన ఫేస్ బుక్ లో రాసారు. ఆయన స్పందిస్తూ... ''సినిమాలో షఫి పాత్రను మరింత ప్రభావవంతంగా రూపొందించి ఉండాల్సింది. నేను అనుకున్నట్లుగా ఆ పాత్ర రాలేదు'' అన్నారాయన.

రాజమౌళి ప్రతిష్టాత్మకంగా చెక్కుతున్న శిల్పం... బాహుబలి కోసం అందరూ ఎదురుచూస్తున్న సంగతి తెలిసిందే. 'ఛత్రపతి' తర్వాత ప్రభాస్‌తో ఎస్‌.ఎస్‌.రాజమౌళి తీస్తున్న సినిమా ఇది. ఈ సినిమా పై ట్రేడ్ లో ఓ రేంజిలో అంచనాలు ఉన్నాయి. దానికి తోడు ప్రభాస్,అనుష్క పుట్టిన రోజులను పరస్కరించుకుని విడుదల చేసిన మేకింగ్ వీడియోలు ఇప్పటికే అందరిలో అమితమైన ఆసక్తిని రేపటంలో సఫలీకృతమయ్యాయి. దాంతో ఈ చిత్రం శాటిలైట్ రైట్స్ ఎంత వరకూ వెళతాయి అనేదానిపై చర్చలు జరుగుతున్నాయి.

మరో ప్రక్క ఈ చిత్రం గురించి వినిపిస్తున్న వూహాగానాలు అన్నీ ఇన్నీ కావు. కొబ్బరికాయ కొట్టకముందే బోలెడన్ని కబుర్లు వినిపించాయి. సినిమాపై అంచనాలను రెట్టింపు చేశాయి. ఇంతకీ ఆ సినిమాలో ఏముంది? ఎప్పుడొస్తుంది? అసలు ఇప్పుడేం జరుగుతోంది? ఇంతకీ ఎలా ఉంటుంది ఆ సినిమా? ప్రభాస్‌ ఎలా కనిపిస్తాడు? ఎంత డబ్బుతో తీస్తున్నారు? ఇలా ఒకటేమిటి? ఒకరేమిటి? ఇతర చిత్ర పరిశ్రమలు కూడా మన 'బాహుబలి' గురించి ఆరాతీస్తున్నాయి. ఈ సినిమా గురించి ఎంత గోప్యంగా ఉంచుతూంటే అంత ఆసక్తి రేపుతోంది.

ఈ చిత్రంలో ప్రభాస్‌, అనుష్క జంటగా నటిస్తున్నారు. రానా కీలక పాత్రధారి. ఆర్కా మీడియా సంస్థ నిర్మిస్తోంది. ఈ చిత్రంపై మంచి అంచనాలు ఉన్నాయి. ప్రభాస్ గెటప్ దగ్గరనుంచి ఈ చిత్రంలో ప్రతీదీ సంచలనమే. ఐమాక్స్‌ ఫార్మాట్‌లో ఈ సినిమాని తెరకెక్కిస్తున్నారు. యారీ ఎలెక్సా ఎక్స్‌.టి. కెమెరాని వినియోగిస్తున్నారు. హైదరాబాద్‌తోపాటు కేరళ, తమిళనాడు, రాజస్థాన్‌లలో చిత్రీకరణ జరుగుతుంది.

Comments

English summary

 Rajamouli tweeted that..." In Chatrapathi, the Shafi characterization should have been done better after he became a rich man. It did not turn up as I expected!"

Story first published: Tuesday, May 13, 2014, 8:30 [IST]

Other articles published on May 13, 2014