ముఖ్యమంత్రిని చూసి భయంతో.. 6 నెలలు తప్పించుకున్నా.. రాజమౌళి!

అమరావతి రాజధాని

గత నాలుగేళ్లుగా అమరావతి రాజధాని నిర్మాణం విషయంలో ఆంధ్రప్రదేశ్ ప్రభుత్వం కసరత్తులు చేస్తోంది. ఉన్నత స్థాయిలో అసెంబ్లీ, సెక్రటేరియట్ తదితర భవంతుల నిర్మాణం ఉండాలని చంద్రబాబు దేశ విదేశాల ఆర్కిటెక్ట్‌లని సంప్రదించారు. అదే సమయంలో రాజమౌళి క్రియేటివిటీని కూడా ఉపయోగించుకోవాలని చంద్రబాబు భావించారు.

చంద్రబాబుతో భేటీ

గత ఏడాది రాజమౌళి.. ముఖ్యమంత్రి చంద్రబాబుని కలసి రాజధాని నిర్మాణం విషయంలో పలు సూచనలు సలహాలు చేశారు. రాజమౌళి చేసిన కొన్ని ప్రతిపాదనలకు కూడా ఆమోద ముద్ర లభించింది. ఓ కార్యక్రమంలో రాజమౌళి ఈ విషయం గురించి మాట్లాడుతూ చంద్రబాబుపై ఆసక్తికర వ్యాఖ్యలు చేశారు. రాజధాని డిజైన్స్ కోసం తాను చేసిన ప్రతిపాదనల్ని వివరించారు.

6 నెలలు తప్పించుకున్నా

రాజధాని నిర్మాణం విషయంలో ఏపీ ప్రభుత్వం తనని సంప్రదించినప్పుడు 6 నెలల పాటు తప్పించుకోవడానికి ప్రయత్నించా. ఆర్కిటెక్ట్ గురించి నాకేం తెలుసు.. అసెంబ్లీ నిర్మాణం గురించి నాకు ఎలాంటి ఐడియా ఉంటుంది అని భయపడ్డా. కానీ చంద్రబాబు గారు ఏదైనా అనుకుంటే వదిలే రకం కాదు. మొత్తానికి నన్ను కూడా రాజధాని నిర్మాణంలో భాగం చేశారని రాజమౌళి తెలిపారు.

నేను ఏం చేయగలను అని ఆలోచించా

చంద్రబాబు నన్ను పిలిపించిన తరువాత అమరావతి డిజైన్స్‌ని పరిశీలించి నేను వీళ్లకు ఏవిధంగా ఉపయోగపడగలను అని ఆలోచించా. అమరావతి ప్లానింగ్ కమిటీలో క్రియేటివ్ పర్సన్స్ లేరు. కాబట్టి క్రియేటివ్ పర్సన్‌గా నాకు తోచిన విషయాన్ని చెప్పాలని అనుకున్నా. ముఖ్యమంత్రిగారికి, లండన్ లో ఉన్న ఆర్కిటెక్ లకు నేను ఒక వారధిలా పనిచేశా.

ఆ ఆలోచన నాదే

ఒక బిల్డింగ్ డిజైన్ విషయంలో అంతర్లీనంగా కథ చెప్పాలని అనుకున్నారు. అందుకు ఎలాంటి చిత్రాలు అవసరం అని అడిగినప్పుడు నేను కొన్ని సూచించా. కానీ ఆ డిజైన్ ఒకే కాలేదు. అప్పటికే రెడీగా ఉన్నా మరో డిజైన్ ఒకే అయింది. ఆ బిల్డింగ్ లోపల తెలుగు తల్లి విగ్రహంపై సూర్యకిరణాలు పడేలా నిర్మించాలని సూచించా. ఈ ప్రతిపాదనని అందరూ ఆమోదించారని రాజమౌళి తెలిపారు.