వాడిమాట వినొద్దు, ఉగ్రవాదుల కంటే ప్రమాదం: రాజమౌళి కామెంట్ ఎవరి గురించి?

ఉగ్రవాదుల కంటే ప్రమాదకరం

ఈ సందర్భంగా రాజమౌళి మాట్లాడుతూ.... ఉగ్రవాదుల కంటే ట్రాఫిక్ రూల్స్ పాటించని వారే చాలా ప్రమాదకారులని పేర్కొన్నారు. దేశంలో సంవత్సరానికి టెర్రరిస్టు దాడుల్లో 200 మంది చనిపోతే... రోడ్డు ప్రమాదాల్లో లక్షల మంది చనిపోతున్నారని ఆయన అన్నారు.

Recommended Video

SS Rajamouli opens up about his next film | Filmibeat Telugu

చిన్న తప్పుకు భారీ మూల్యం

రోడ్డు ప్ర‌మాదంలో మ‌ర‌ణిస్తున్న వారి సంఖ్య రోజు రోజుకు పెరుగుతోందని, వేగంగా న‌డ‌ప‌డం, రాంగ్ రూట్లో వెళ్ల‌డం వంటి చిన్న చిన్న త‌ప్పులకు భారీ మూల్యం చెల్లించుకోవాల్సి వస్తుందని, అలాంటి తప్పులు చేయకుండా ఉంటే ఎన్నో ప్రాణాలు కాపాడినవారమవుతామన్నారు.

యువత స్పీడు గురించి

ఈ రోజుల్లో యువత అన్ని విషయాల్లో చాలా స్పీడుగా ఉంటున్నారు. చదువు, టెక్నాలజీ, అభివృద్ధి విషయంలో పోటీ పడుతున్నారు. ఈ విషయాల్లో వేగం మంచిదే, కానీ రోడ్డు మీద మాత్రం వేగం వద్దు, అతివేగం కొన్ని సార్లు ప్రమాదాలకు కారణం అవుతుందని రాజమౌళి అన్నారు.

అక్కడ అభివృద్ధి ఇంకా రాలేదు

ఒక‌ప్ప‌టితో పోలిస్తే టెక్నాల‌జీలో వ‌చ్చినంత అభివృద్ధి ర‌వాణా రంగంలో రాలేద‌ని, ఆ విష‌యాన్ని దృష్టిలో ఉంచుకొని మ‌ట్టి రోడ్ల మీద‌, సందుల్లో జాగ్రత్తగా డ్రైవ్ చేయాలని దర్శకుడు రాజమౌళి సూచించారు.

వాడి మాట వినొద్దు

తాగి ఉన్న‌పుడు మ‌న‌లో ఉన్న అప‌రిచితుడు మ‌న‌ల్ని డ్రైవింగ్ చేయ‌మంటాడ‌ని, రోడ్డు మీద మన సత్తా చూపాలని రెచ్చగొడతాడు.... ఆ సమయంలో వాడి మాట అస్సలు వినొద్దు, అపుడు క్యాబ్‌లో గానీ, బ‌స్సులోగానీ వెళ్లడమే చాలా సురక్షితం, మనం జాగ్రత్తగా ఇంటికి రావాలని చాలా మంది ఎదురు చూస్తుంటారు అని రాజమౌళి అన్నారు.