తమన్నా కోసం రాజమౌళి భారీ గిఫ్టు (ఫోటో)

హైదరాబాద్: యంగ్ రెబల్ స్టార్ ప్రభాస్ హీరోగా, అనుష్క హీరోయిన్ గా దర్శకేంద్రుడు కె.రాఘవేంద్రరావు సమర్పణలో ఆర్కా మీడియా వర్క్స్ పతాకంపై ఎస్.ఎస్.రాజమౌళి దర్శకత్వంలో శోభు యార్లగడ్డ, ప్రసాద్ దేవినేని నిర్మిస్తున్న భారీ బడ్జెట్ చిత్రం ‘బాహుబలి'. ప్రస్తుతం ఈ చిత్రానికి సంబంధించిన షూటింగ్ బల్గేరియాలో జరుగుతోంది. ఈ చిత్రంలో తమన్నా కూడా ముఖ్యమైన పాత్రలో నటిస్తోంది. ఈ సందర్భంగా రాజమౌళి తమన్నాకు భారీ గిఫ్టును ఇచ్చాడు.

ఆ గిఫ్టు చూసి తమన్నా సైతం ఆశ్చర్యపోయింది. ఇంతకీ ఆగిఫ్టు ఏమిటో తెలుసా? చాక్లెట్. చాక్లెటే కదా అని తీసి పారేయకండి. దాని పొడవు ఏకంగా ఒక మీటరు. ఈ విషయాన్ని తమన్నా చెబుతూ, "బల్గేరియాలో సుదీర్ఘమైన ఒక రోజు షూటింగ్ చేసిన తర్వాత పేద్ద చాకొలేట్ ను నా కోసం తెప్పించి ఇచ్చారు. అసలు నా జీవితంలో ఇంతవరకు ఇలాంటి వన్ మీటర్ చాకొలేట్ ను చూడలేదు" అంటోంది.

ప్రభాస్, అనుష్క, దగ్గుబాటి రానా, తమన్నా, రమ్యక్రిష్ణ, సత్యరాజ్ తదితరులు ముఖ్య పాత్రలు పోషిస్తున్న ఈ చిత్రానికి సంగీతం: ఎం.ఎం.కీరవాణి, సినిమాటోగ్రఫీ: కె.కె.సెంథిల్ కుమార్, కథ: వి.విజయేంద్రప్రసాద్, ఎడిటింగ్: కోటగిరి వెంకటేశ్వరరావు, మాటలు: ఎం.రత్నం, నిర్మాతలు: శోభు యార్లగడ్డ, ప్రసాద్ దేవినేని, స్క్రీన్ ప్లే-దర్శకత్వం: ఎస్.ఎస్.రాజమౌళి.