అడవి దొంగగా ఎన్టీఆర్.. రాంచరణ్ పని ఇదే.. ఇల్లు మార్చేసిన రాజమౌళి!

బిజీ అయిపోయారు

గత ఎడారి నవంబర్ లో రాజమౌళి ఈ చిత్రాన్ని ప్రారంభించారు. చక చకా ఫస్ట్ షెడ్యూల్ ఫినిష్ చేసిన తర్వాత కొడుకు పెళ్లి కోసం రాజమౌళి కొంత గ్యాప్ తీసుకున్నాడు. తాజాగా సెకండ్ షెడ్యూల్ ప్రారంభమైంది. ఎన్టీఆర్, రాంచరణ్ షూటింగ్ తో బిజీ అయిపోయారు. ఇక ఎలాంటి గ్యాప్ లేకుండా రాజమౌళి ఆర్ఆర్ఆర్ చిత్రాన్ని తెరకెక్కించబోతున్నట్లు తెలుస్తోంది.

అడవి దొంగ

రాజమౌళి చిత్రాల్లో హీరో పాత్ర చాలా పవర్ ఫుల్ గా ఉంటుంది. ఈ చిత్రంలో ఇద్దరు స్టార్ హీరోలు నటిస్తుండడంతో ఎవరి పాత్ర ఏంటనే విషయంలో అభిమానుల్లో ఉత్కంఠ నెలకొని ఉంది. తాజాగా సమాచారం ప్రకారం ఎన్టీఆర్ అడవి దొంగ పాత్రలో కనిపిస్తాడట. ఎన్టీఆర్ ని పట్టుకునే పోలీస్ గా రాంచరణ్ పాత్ర ఉండబోతోంది. ఈ డ్రామా మొత్తం 1920 కాలం నాటి పరిస్థితుల్లో జరుగుతుందని అంటున్నారు. మరణించి తిరిగి స్నేహితులుగా ప్రస్తుత్త కాలంలో పుడతారని కూడా కథ గురించి లీకులు వస్తున్నాయి.

'ఆర్ఆర్ఆర్' సంగీతం ఎలా ఉంటుందో చెప్పిన కీరవాణి!

ఇల్లు మార్చేసిన రాజమౌళి

ఇక నుంచి ఆర్ఆర్ఆర్ చిత్ర షూటింగ్ వేగంగా జరగనుంది. హైదరాబాద్ నగర శివారులో రెండు చోట్ల భారీ సెట్స్ నిర్మించారట. ఓ ప్రాంతంలో ఆర్ఆర్ఆర్ చిత్ర యూనిట్ రెండు ఎకరాల స్థలాన్ని రెండేళ్ల కోసం లీజుకు తీసుకున్నట్లు తెలుస్తోంది. ఆ స్థలంలోనే రాజమోళి ఫ్యామిలీ, ఎన్టీఆర్, రాంచరణ్ కోసం అన్ని హంగులతో ఓ ఇల్లు నిర్మించారట. రాజమౌళి తన ఫ్యామిలీతో పాటు ఆ ఇంట్లోకి షిఫ్ట్ ఐపోయినట్లు తెలుస్తోంది. షూట్ చేసిన సన్నివేశాలని ఎడిట్ చేసేందుకు, పరిశీలించేందుకు ఆ ఇంట్లోని రాజమౌళి అన్ని సౌకర్యాలని సమకూర్చుకున్నారట.

మరో భారీ నిర్మాణం

చిత్రంలో ఇతర నటీనటులకు, సాంకేతిక నిపుణుల సదుపాయాల కోసం ఆ సమీపంలోనే మరో భారీ సెట్ నిర్మించారట. నటీనటులకు ఈ సెట్ లోనే చిత్రానికి సంబంధిన శిక్షణ ఉంటుందని వార్తలు వస్తున్నాయి. రాజమౌళి ఇంతవరకు రాంచరణ్, ఎన్టీఆర్ సరసన నటించే హీరోయిన్ల పేర్లు ఖరారు చేయలేదు. త్వరలో ఆర్ఆర్ఆర్ కాస్టింగ్ కు సంబంధించిన వివరాలు తెలియనున్నాయి.