Don't Miss!
- Technology ధర రూ.9,999 కే 108MP కెమెరా, 8GB ర్యామ్ స్మార్ట్ఫోన్.. కొనుగోలుపై స్మార్ట్వాచ్ ఉచితం..!
- Finance Swiggy IPO: ఐపీఓగా రానున్న స్విగ్గీ..!
- News ప్రధాని మోదీ, రాహుల్ గాంధీలకు షాక్; కోడ్ ఉల్లంఘనలపై ఈసీ నోటీసులు
- Automobiles వందేభారత్ రైళ్లలో 1 లీటర్ వాటర్ బాటిల్ రద్దు.. రైల్వే శాఖ కీలక నిర్ణయం
- Lifestyle వేసవిలో మైగ్రేన్ తలనొప్పి ఎందుకు పెరుగుతుంది, లక్షణాలు, ఉపశమనం ఎలా పొందాలో తెలుసుకోండి
- Sports SRHను చూస్తే భయమేస్తోంది- పాక్ దిగ్గజం
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
రాజమౌళిది ఐరన్ లెగ్గా??
టాలీవుడ్ నెం.1 డైరెక్టరుగా వెలుగొందుతున్న దర్శకుడు రాజమౌళి. రాజమౌళి సినిమా అంటేనే సూపర్ హిట్ అని డిసైడైపోతున్నారు. ఆయన తో సినిమా కోసం ఎంతో మంది స్టార్ హీరోలు క్యూలో వున్నారు. ఆయనతో సినిమా చేస్తే ఏ హీరోకైనా ఓ సూపర్ హిట్ మూవీ తన ఖాతాలో పడిపోయినట్టే. కానీ అసలు చిక్కు ఆ తర్వాతే వస్తుంది. ఏ హీరోనైనా ఓ రేంజ్ లో చూపించడం రాజమౌళి ప్రత్యేకత. ఆ తర్వాత ఆ హీరో ఇమేజ్ అమాంతం పెరిగిపోతుంది. ఇక అటుపై వచ్చే చిత్రాలు కూడా అదే రేంజ్ లో ఎక్స్ పెక్ట్ చేస్తారు ప్రేక్షకులు. ఆ అంచనాలకు ఏ మాత్రం తగ్గినా సినిమా ప్లాప్ టాక్ తెచ్చుకుంటుంది.
ఇదే కోవలోకే వస్తారు ఎన్టీఆర్, ప్రభాస్. ఎన్టీఆర్ తో రాజమౌళి ఇచ్చిన 'సింహాద్రి' చిత్రాన్ని ఎవ్వరూ మరచిపోరు. ఆ సినిమాతో ఎన్టీఆర్ ఇమేజ్ ఆకాశమంతగా ఎదిగిపోయింది, ఎన్టీఆర్ ను స్టార్ హీరోను చేసింది. ఇక ఆ తర్వాత ఎన్టీఆర్ కు ఒక్క హిట్ కూడా రాలేదు. తనకి హిట్ ఇవ్వడానికి మరో సారి రాజమౌళి అవసరమయ్యాడు. 'యమదొంగ'తో కానీ అతనికి హిట్ రాలేదు.
ఇక ప్రభాస్ పరిస్థితి కూడా అలాగే వుంది. 'ఛత్రపతి' సినిమాతో బ్లాక్ బస్టర్ మూవీని తన ఖాతాలో వేసుకున్న ప్రభాస్ ఆ తర్వాత ఓ హిట్ సినిమా కోసం చకోర పక్షిలా ఎదురుచూస్తున్నాడు. మదర్ సెంటిమెంట్ తో వచ్చిన 'ఛత్రపతి' లాగా 'యోగి' సినిమా తీసినా అది ఆశించిన ఫలితాన్ని ఇవ్వలేక పోయింది. పూరి 'బుజ్జిగాడు', గత చిత్రం 'బిల్లా' కూడా యావరేజి స్థాయిని మించలేకపోయాయి. త్వరలో రానున్న 'ఏక్ నిరంజన్' చిత్రం పై భారీ ఆశలే పెట్టుకున్నాడు ప్రభాస్. ఒక వేళ అది కూడా హిట్ కాకపోతే తిరిగి రాజమౌళితో చెయ్యబోయే 'విశ్వామిత్ర' సినిమాయే తన హిట్ కోరికను తీర్చాలి.
కానీ ఈ కోవలో రవితేజ ఒక్కడే మినహాయింపు. 'విక్రమార్కుడు' చిత్రం తర్వాత కూడా రవి హిట్ సినిమాలతో దూసుకుపోతున్నాడు. మరి 'మగధీర'తో రామ్ చరణ్ ను సింహాసనం మీద కూర్చోబెట్టిన రాజమౌళి సిండోమ్ చరణ్ వదులుతుందో లేదో తెలియాలంటే ఇంకొంత కాలం ఆగాలి.