దర్శకుడు రాజమౌళికి మాతృ వియోగం

By Bojja Kumar

Published: Saturday, October 20, 2012, 11:20 [IST]

హైదరాబాద్: ప్రముఖ దర్శకుడు రాజమౌళి తల్లి శ్రీమతి రాజనందిని ఈ రోజు ఉదయం మరణించారు. కొంత కాలంగా అనారోగ్యంతో ఆమె బాధ పడుతున్నట్లు తెలుస్తోంది. రాజనందిని భర్త విజయేంద్ర ప్రసాద్ ప్రముఖ రచయిత మరియు దర్శకుడు. రాజమౌళి ఇతర కుటుంబ సభ్యులు తరచూ వివిధ కార్యక్రమాల్లో కనిపిస్తున్నా... ఆమె మాత్రం ఎక్కువగా బయటికి వచ్చే వారు కాదు.

కొన్ని రోజుల క్రితం దర్శకుడు రాజమౌళి తన తల్లికి అనోగ్యం కారణంగా...... కొంత కాలంగా షూటింగులకు బ్రేక్ ఇచ్చిన విషయం తెలిసిందే. ఈ విషయాన్ని అప్పట్లో ఆయన తన ట్విట్టర్ ద్వారా వెల్లడించారు. వయసు పైబడటంతో కొంత కాలంగా రాజనందిని తరచూ అనోగ్యంగా పాలవుతోంది.

రాజనందని మరణవార్త తెలిసిన వెంటనే పలువురు సినీ ప్రముఖులు రాజమౌళి కుటుంబానికి సంతాపం తెలపడానికి వాళ్ల ఇంటికి బయల్దేరారు. వన్ ఇండియా తెలుగు రాజమౌళి కుటుంబానికి ప్రగాఢ సంతాపం తెలియజేస్తోంది. ఆమె ఆత్మకు శాంతి చేకూరాలని కోరుకుందాం.

More from Filmibeat