విక్రం సినిమాకు రాజమౌళి దర్శకత్వం!

అపరిచితుడు సినిమా తమిళంలో కంటే తెలుగులో ఎక్కువ కలెక్షన్లు రాబట్టిన విషయం తెలిసిందే. అపరిచితుడు సినిమాతో విక్రం తెలుగు ప్రేక్షకులకు సుపరిచితుడుగా మారిపోయాడు. తెలుగులో ఆ సినిమా అంత పెద్ద హిట్‌ అవుతుందని ఊహించని విక్రం ఉబ్బి తబ్బిబ్బై అనేక సార్లు హైదరాబాద్‌ వచ్చి మీడియాతో ముచ్చటించారు. ఆ ఆనందంలోనే ఆయన తెలుగులో ఒక ్రస్టెయిట్‌ సినిమా తీస్తానని ప్రకటించారు. తనకు నచ్చిన ముగ్గురు తెలుగు డైరెక్టర్ల పేర్లను కూడా ఆయన వెల్లడించారు. ఆ ముగ్గురు వివి వినాయక్‌, గుణశేఖర్‌, ఎస్‌ఎస్‌ రాజమౌళి. ఆయన ఫైనల్‌గా రాజమౌళి దర్శకత్వంలో నటించనున్నారు. రాజమౌళి చెప్పిన కథ ఆయనకు బాగా నచ్చినట్టు సమాచారం. రాజమౌళి తన సొంత బ్యానర్‌ విశ్వామిత్ర క్రియేషన్స్‌ కింద ఈ సినిమాను నిర్మించబోవడం విశేషం. జూనియర్‌ ఎన్టీఆర్‌తో ఆయన నిర్మాణ, దర్శకత్వంలో ఒక సినిమా సెప్టెంబర్‌ నుంచి ప్రారంభం కానుంది. అయితే రాజమౌళి మొదట విక్రం సినిమా చేస్తారో, ఎన్టీఆర్‌ సినిమా చేస్తారో వేచి చూడాలి.