అమీర్ ఖాన్‌తో చేయాలనుంది: రాజమౌళి

By Bojja Kumar

| Published: Friday, November 30, 2012, 14:56 [IST]

ముంబై: టాలీవుడ్ నెం.1 డైరెక్టర్ రాజమౌళి తన మనసులోని మాటను బయట పెట్టారు. బాలీవుడ్ స్టార్ అమీర్ ఖాన్‌తో కలిసి హిందీలో సినిమా చేయాలని ఉందని వెల్లడించారు. అయితే అలా అని బాలీవుడ్లోనే కంటిన్యూ అవాలనేది నా ఉంద్దేశ్యం కాదని, ఆయనతో సినిమా చేసి మళ్లీ తెలుగులో కొనసాగాలనేదే నా ఉద్దేశ్యం అని వెల్లడించారు.

ఆయన పిటిఐతో మాట్లాడుతూ...అమీర్ ఖాన్ సినిమాలంటే తనకంతో ఇష్టమని వెల్లడించారు. 'బాలీవుడ్లో అందరూ ఇష్టమే. అయితే అమీర్ ఖాన్ సినిమాలంటే మరింత ఎక్కువ ఇష్టం. నేను అతన్ని ఆరాధిస్తాను... నా గురువుగా భావిస్తాను. ఆయన సినిమాలు చేసే పద్దతి అంటే నాకెంతో ఇష్టం. అతను సినిమాలు ప్రమోట్ చేసే విధానాన్ని ఆసక్తిగా పరిశీలిస్తాను. అవకాశం వస్తే ఆయనతో సినిమా చేస్తా. అమీర్ ఖాన్ నుంచి నేర్చుకోవాల్సింది ఎంతో ఉంది' అంటూ రాజమౌళి వ్యాఖ్యానించారు.

'ఆయనతో బాలీవుడ్ సినిమా చేయాలని ఉంది. హిస్టారికల్ లేదా మైథలాజికల్ సినిమా చేయాలనే ఆలోచన ఉంది. అలా అని బాలీవుడ్ లోనే కొనసాగాలనే ఉద్దేశ్యం లేదు. నేను ఎంచుకునే మైథలాజికల్ స్టోరీ లేదా హిస్టారికల్ స్టోరీ కంటెంట్ పవర్ ఫుల్ గా బలంగా ఉండాలని భావిస్తున్నాను. రాణా ప్రతాప్, అక్భర్, శివాజీ మరియు ఔరంగ జేబు స్టోరీలు అంటే ఇష్టం' అని రాజమౌళి చెప్పుకొచ్చారు.

వచ్చే రెండు సంవత్సరాల్లో కథను సిద్ధం చేసుకుంటాను. అమీర్ ఖాన్ తో మాట్లాడిన తర్వాత అతను ఒప్పుకుంటే...... ఏ విషయం అనేది ఖరారు చేస్తాను అనే విధంగా రాజమౌళి సంకేతాలు ఇచ్చారు. రాజమౌళి మాటలను బట్టి భవిష్యత్ లో వీరి కాంబినేషన్లో సినిమా ఉండటం ఖాయంగా కనిపిస్తోంది. గతంలో ఓ సందర్భంలో కూడా రాజమౌళి దర్శకత్వంలో చేయాలని ఉందని అమీర్ తన మనసులోని మాట బయట పెట్టిన సంగతి తెలిసిందే.

Comments

English summary

Renowned Telugu director SS Rajamouli has expressed his desire to make a Bollywood film with superstar Aamir Khan. The Eega helmer, who has done several hit masala entertainers in Telugu, does not want to continue with the same in Bollywood. Rather he wants to make a historical or a mythological movie.

Story first published: Friday, November 30, 2012, 14:56 [IST]

Other articles published on Nov 30, 2012