పవన్‌ సినిమాను కాపీ కొట్టలేదు.. మా పోస్టర్ ఒరిజినల్.. సాక్ష్యాలున్నాయి

కాపీ చేయలేదు..

అయితే ఈ పోస్టర్‌ డిజైన్‌ పవన్‌కళ్యాణ్‌, త్రివిక్రమ్‌ కాంబినేషన్‌లో రూపొందుతున్న కొత్త చిత్రం నుంచి కాపీ చేయబడిందని మీడియాలో కొన్ని కథనాలు వచ్చాయి. దీనిపై 'రాజరథం' యూనిట్ సభ్యులు స్పందిచారు. ఆ ఆరోపణల్లో వాస్తవం లేదు అని తెలిపారు.

పవన్ కల్యాణ్ సినిమాలో

పవన్ కల్యాణ్ సినిమాలో నుంచి పోస్టర్ కాపీ చేశామనే వార్త ఎలా, ఎందుకు వచ్చిందో మాకు అర్థం కావడం లేదు. మేం అక్టోబర్‌ 12న ఈ పోస్టర్‌ను విడుదల చేశాం. మీడియాలో వచ్చిన న్యూస్‌లో 17న 'రాజరథం' పోస్టర్‌ వచ్చినట్టు పేర్కొన్నారు. కానీ, అది నిజం కాదు. ఎందుకంటే ఆ పోస్టర్‌లోని స్టిల్‌ను సెప్టెంబర్‌లోనే తియ్యడం జరిగింది.

బాలీవుడ్‌ కెమెరామెన్‌ మనీష్‌ ఠాకూర్‌

మా టీమ్‌కి టెక్నికల్‌గా వున్న బలంతోనే క్రియేట్‌ చేసిన వర్క్‌ అది. మాకు తెలిసి వేరొకరి క్రియేటివిటీని మేం ఎక్కడా కాపీ చెయ్యలేదు. మేం రిలీజ్‌ చేసిన పోస్టర్‌ వెనుక ఎంతో మంది కష్టం, ఎంతో ప్లానింగ్‌ వుంది. కొన్ని నెలల క్రితమే ఈ చిత్రానికి సంబంధించిన స్టోరీ బోర్డ్‌ రెడీ చెయ్యడం జరిగింది. మేం ఈ చిత్ర పోస్టర్ స్టిల్స్ కోసం హ్యాసల్‌బ్లాడ్‌ కెమెరాను వాడాం. ప్రముఖ బాలీవుడ్‌ కెమెరామెన్‌ మనీష్‌ ఠాకూర్‌ ఈ ఫోటోలను తీశారు అని చెప్పారు.

అన్ని రకాల జాగ్రత్తలు

పోస్టర్ డిజైనింగ్‌కు సంబంధించిన వీడియో కూడా మా దగ్గర వుంది. తెలుగు ప్రేక్షకులకు ఒక కొత్త తరహా అనుభూతిని కలిగించేందుకు మేం అన్ని రకాల జాగ్రత్తలు తీసుకుంటున్నాం. మా దర్శకుడు అనూప్‌ భండారి, మా డిజైన్‌ టీమ్‌ 'కాని స్టూడియో' ఈ పోస్టర్‌ను మా తొలి తెలుగు చిత్రం 'రాజరథం' కోసం క్రియేట్‌ చేశారు.

పవన్‌కళ్యాణ్‌ ఎంతో గౌరవం

మాకు పవన్‌కళ్యాణ్‌ ఎంతో గౌరవం వుంది. వారిని, వారి టీమ్‌ని అగౌరవ పరచాలన్న ఉద్దేశం మాకు లేదు. మేం రిలీజ్‌ చేసిన పోస్టర్‌ కాపీ చేసింది కాదని చాలా కాన్ఫిడెంట్‌గా చెప్తున్నాం అని రాజరథం టీమ్ పేర్కొన్నారు.