Don't Miss!
- News బీజేపీలో చేరిన నల్లమిల్లి రామకృష్ణా రెడ్డి: ఆ నియోజకవర్గం నుంచే పోటీ
- Sports CSK vs LSG: అతని వల్లే గెలిచే మ్యాచ్లో ఓడాం: రుతురాజ్ గైక్వాడ్
- Lifestyle ఈ 4 రాశుల వారు ఉత్తమ సెక్స్ భాగస్వాములు అవుతారు... వీరిని లైఫ్ పార్ట్నర్ గా పొందడం అదృష్టం!
- Automobiles ఏథర్ రిజ్టా ఎలక్ట్రిక్ స్కూటర్కు పోటీగా ఆంపియర్ NXG.. ఆ రోజే లాంచ్
- Technology ధర రూ.10 వేల కంటే తక్కువ ధరకే రియల్మి 5G స్మార్ట్ఫోన్.. విడుదల తేదీ ఖరారు..!
- Finance Market Closing: లాభాల్లో ముగిసిన సెన్సెక్స్-నిఫ్టీ.. మార్కెట్లను లాగిన మెటల్ స్టాక్స్..
- Travel ఫ్యామిలీ ట్రిప్ ప్లాన్ చేస్తున్నారా? అయితే, తెలంగాణలోని ఈ ప్రాంతం బెస్ట్..!
చిరంజీవితో విభేదాలు సృష్టించొద్దు.. చెడుగా రాయొద్దు.. కంటతడి పెట్టిన రాజశేఖర్
చాలా సంవత్సరాల గ్యాప్ తర్వాత హీరో రాజశేఖర్ మళ్లీ సక్సెస్ బాట పట్టారు. ఆయన నటించిన పీఎస్వీ గరుడ వేగ చిత్రం ఘనవిజయం దిశగా దూసుకుపోతున్న నేపథ్యంలో ఇటీవల చిత్ర యూనిట్ సక్సెస్ మీట్ను నిర్వహించింది.
Recommended Video
చాలా సంవత్సరాల గ్యాప్ తర్వాత హీరో రాజశేఖర్ మళ్లీ సక్సెస్ బాట పట్టారు. ఆయన నటించిన పీఎస్వీ గరుడ వేగ చిత్రం ఘనవిజయం దిశగా దూసుకుపోతున్న నేపథ్యంలో ఇటీవల చిత్ర యూనిట్ సక్సెస్ మీట్ను నిర్వహించింది. ఈ కార్యక్రమానికి హీరో రాజశేఖర్, దర్శకుడు ప్రవీణ్ సత్తారు, హీరోయిన్లు పూజా కుమార్, శ్రద్ధాదాస్, జీవిత, చిత్ర సాంకేతిక నిపుణులు హాజరయ్యారు. ఈ సందర్భంగా రాజశేఖర్ మాట్లాడుతూ.. ఉద్వేగానికి లోనై కంటతడి పెట్టారు.
గరుడ వేగ సూపర్ డూపర్ హిట్
పీఎస్వీ గరుడ వేగ చిత్ర కథను ఏ ముహూర్తంలో మొదలుపెట్టారో గానీ ఈ సినిమా సూపర్ డూపర్ హిట్ అయింది. నా జీవితంలో ఇంత పెద్ద హిట్ నాకు లభించలేదు. ఈ చిత్రాన్ని పంపిణీ చేసిన నిర్మాత మల్కాపురం శివకుమార్ బ్లాక్ బస్టర్ కంటే పెద్ద హిట్ అని చెప్పడం ఈ సినిమాను ప్రేక్షకులు ఎలా ఆదరిస్తున్నారో స్పష్టమవుతున్నది.
అంకుశం సినిమా మాదిరిగానే..
గతంలో నేను నటించిన అంకుశం నటించిన చిత్రం కూడా ఇలాంటి ఫీలింగ్ కల్పించింది. తమిళంలో ఆ చిత్రాన్ని సొంతంగా రిలీజ్ చేయగా పెద్ద హిట్ అయింది. దాని కంటే గరుడ వేగ చిత్రం సక్సెస్ అయింది.
అద్భుతంగా తెరకెక్కించారు
స్క్రిప్ట్ మీద దర్శకుడు ప్రవీణ్ సత్తారు ఏం రాశారో.. అంతే మొత్తంగా అద్భుతంగా తెరకెక్కించారు. కథను ఎగ్జిక్యూట్ చేసిన విధానం సూపర్. ఆయన అనుకున్నది అనుకున్నట్టుగా చిత్రీకరించారు.
జీవిత గిఫ్ట్ ఇచ్చింది..
గరుడ వేగ చిత్రం సక్సెస్ వెనుక ఉన్నవారిలో నా సతీమణి జీవిత ఒకరు. జీవిత లేకుంటే ఈ సినిమా ఇక్కడ వరకు రాకపోయేది. గరుడ వేగ చిత్రాన్ని జీవిత నాకు గిఫ్ట్గా ఇచ్చింది. నా భర్తకు మంచి సక్సెస్ ఇవ్వాలన్న కోరికతో చాలా కష్టపడింది.
కంటతడి పెట్టిన రాజశేఖర్
గరుడ వేగ చిత్ర సక్సెస్ మీట్లో పెట్టిన తన తల్లి, బావమరిది ఫోటోలను చూసి రాజశేఖర్ ఉద్వేగానికి లోనై కంటతడి పెట్టుకొన్నారు. ఇటీవల రాజశేఖర్ తల్లి, బావ మరిది మరణించిన సంగతి తెలిసిందే. వారిని గుర్తు చేసుకొని కన్నీటి పర్యంతమయ్యాడు. జీవితంలో అండగా ఉంటారు అనుకొనే లోపునే వారు దూరమయ్యారు అని రాజశేఖర్ బాధపడ్డారు.
గరుడ వేగపై డౌట్ వచ్చింది
ఇలా అనేక చెడు శకునాలు వస్తుండటంతో గరుడు వేగ సినిమా సక్సెస్ లభించదు అని అనుకొన్నాను. చెన్నైలో ఓ వైపు తుఫాను, నాకు అనేక అవాంతరాలు రావడం చూసి చాలా బాధపడ్డాను. కానీ నా పరిస్థితి చూసి ప్రజలందరూ సానుకూలంగా స్పందించి ఈ సినిమాను పెద్ద హిట్ చేశారు. ప్రేక్షకులు తమ తల్లిదండ్రులను తీసుకొచ్చి చూపించడం చాలా ఆనందంగా ఉంది.
చిరంజీవికి థ్యాంక్స్
గరుడ వేగ సినిమా చూసి మమ్మల్ని అభినందించిన మెగాస్టార్ చిరంజీవికి చాలా థ్యాంక్స్. ఆయన స్వయంగా ఇంటికి బొకే పంపించారు. అందుకు చాలా సంతోషంగా ఉంది. చిరంజీవితో కొన్ని విభేదాలు వచ్చిన తర్వాత మళ్లీ కలుసుకొన్నాం.
చిరంజీవి గురించి అలా రాయొద్దు
ఇటీవల చిరంజీవిని కలిసి రాజశేఖర్ సారీ చెప్పుకొన్నాడు. అందుకే సినిమా పెద్ద హిట్ అయింది అని కొన్ని వెబ్సైట్లు రాశాయి. రాజశేఖర్కు ఇప్పుడు బుద్ది తెచ్చుకొన్నాడు అని చెడుగా రాశారు. విభేదాల తర్వాత చిరంజీవితో మంచిగా ఉండాలని కోరుకొంటున్నాం. మీరు కూడా మేము మంచిగా ఉండాలని కోరుకోరా.. అలాంటి వార్తలు రాయవద్దు అని రాజశేఖర్ రిక్వెస్ట్ చేశారు.