రాజశేఖర్ కి మెగా ట్విస్ట్?

గత కొంత కాలంగా చిరంజీవిని విమర్శించమే పనిగా పెట్టుకున్న రాజశేఖర్ కి కాశీబుగ్గలో ఓ ట్విస్టు పడింది. కాంగ్రెస్ ప్రచారానికి అక్కడకి చేరుకున్న రాజశేఖర్ కి అక్కడకి భారీగా తరలి వచ్చిన జనాన్ని చూసి రెట్టించిన ఉత్సాహం వచ్చింది. దాంతో ఉషారుగా కాంగ్రెస్ ని, రాజశేఖర్ రెడ్డిని వచ్చిరానీ తెలుగులో పొగుడుతూ, బాలకృష్ణని విమర్శించసాగాడు. ఆ తర్వాత మరింత స్పీడుగా ఇప్పుడు చెప్పండి మీ నాయుకుడు ఎవరు అంటూ జనాన్ని ఉద్దేశించి అడిగాడు.

దానికి వాళ్ళు ఒక్కసారిగా చిరంజీవి అన్నారు. దాంతో ఖంగుతున్న రాజశేఖర్ ఆ వచ్చిన జనంలో చిరు అభిమానులు ఎక్కువ మంది ఉన్నారని గమనించారు. సీన్ రివర్స్ అవ్వకముందే క్షేమంగా బయిటపడటం మేలని చిరంజీవంటే నాకూ అభిమానమే..అయితే కొన్ని కారణాల వల్ల ఆయన్ని విభేదించాల్సి వచ్చిందంటూ చెప్పి అక్కడ నుంచి తప్పుకున్నారు. ఇది పార్టీ వర్గాల్లోనే కాక అంతటా చర్చనీయాంశమైంది. అయితే కాంగ్రెస్ వాదులు మాత్రం దీన్ని ఖండిస్తున్నారు. అదీ సంగతి.