Don't Miss!
- Sports DC vs RR: రిషభ్ పంత్ విధ్వంసం.. ఒకే ఓవర్లో 31 పరుగులు! వీడియో
- News కేసీఆర్ కాన్వాయ్లో ప్రమాదం: ఒకదానికొకటి 8 వాహనాలు ఢీ
- Lifestyle పెళ్లైన వ్యక్తితో డేటింగా? కాస్త ముందు..వెనకా ఆలోచించండి..లేదంటే కొంప కొల్లేరే..!
- Technology OPPO Find X7 Ultra కెమెరా రివ్యూ! అద్భుతమైన ఫీచర్లతో, బెస్ట్ కెమెరా ఫోన్!
- Automobiles 323 కి.మీ రేంజ్తో ప్రీమియం ఎలక్ట్రిక్ బైక్ విడుదల.. ధర తెలిస్తే కొనేందుకు ఆలోచిస్తారు..!!
- Finance Market Closing: లాభాల్లో ముగిసిన సెన్సెక్స్-నిఫ్టీ.. స్పీడు పెంచిన బుల్స్..
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
రూమర్లు నమ్మకండి... హీరో రాజశేఖర్ ఆరోగ్యంపై కూతురు శివాత్మిక క్లారిటీ
కరోనావ్యాధితో చికిత్స పొందుతున్న హీరో రాజశేఖర్ ఆరోగ్య పరిస్థితిపై కూతురు శివాత్మిక రాజశేఖర్ మరోసారి స్పందించారు. మీడియాలో వస్తున్న రూమర్లను నమ్మవద్దని ఆమె సూచించారు. తన తండ్రి ఆరోగ్యం కొంచెం కష్టంగా ఉంది అంటూ చేసిన ట్వీట్పై రకరకాల ఊహాగానాలు రావడంతో మరో ట్వీట్తో వివరణ ఇచ్చారు. తన తండ్రి ఆరోగ్యంపై శివాత్మిక స్పందిస్తూ..
నాన్న ఆరోగ్యం నిలకడగా
నాన్న ఆరోగ్యంపై అభిమానులు, సినీ ప్రముఖులు చూపిస్తున్న ప్రేమానురాగాలకు థ్యాంక్స్. మీ ఆదరణకు ఎలా రుణం తీర్చుకోవాలో తెలియడం లేదు. ఆయన ఆరోగ్యం కుదుటపడుతున్నది. కానీ విషమంగా లేదనే విషయాన్ని గమనించండి. ఇప్పుడిప్పుడే నాన్న కోలుకొంటున్నారు అని శివాత్మిక తన ట్వీట్లో తెలిపారు.
మీ ప్రార్థనలు, దీవెనలతోనే
నాన్న గారు సంపూర్ణ ఆరోగ్యంతో తిరిగి రావడానికి మీ ప్రార్థనలు, దీవెనలు కావాలి. ఆయన ఆరోగ్యం గురించి ఎలాంటి ఆందోళన చెందవద్దు. నాన్న త్వరగా కోలుకొంటారనే నమ్మకం బలంగా ఉంది. ఇలాంటి సమయంలో మాకు మనోధైర్యం కలిగించడానికి మీ అండ కావాలి అని శివాత్మిక తెలిపారు.
ఫేక్ న్యూస్ ప్రచారం చేయకండి
హీరో రాజశేఖర్ ఆరోగ్య పరిస్థితి విషమం అని వస్తున్న వార్తలను కూతురు శివాత్మిక ఖండించారు. నాన్న ఆరోగ్యంపై ఫేక్ న్యూస్ ప్రచారం చేయకండి. ఆయన క్షేమంగా ఉన్నారు. చికిత్స స్పందిస్తూ కోలుకొంటున్నారు. ఆయన ఆరోగ్యానికి సంబంధించిన సమాచారం మా నుంచి వస్తేనే నమ్మండి అంటూ శివాత్మిక పేర్కొన్నారు.
Recommended Video
శివాత్మిక ట్వీట్తో గందరగోళం
నాన్నగారి ఆరోగ్య పరిస్థితి కొంచెం కష్టంగా ఉంది అంటూ అంతకుముందు శివాత్మిక చేసిన ట్వీట్ అనేక ఊహాగానాలకు తెరలేపింది. దాంతో ఆయన ఆరోగ్యంపై పుకార్లు మీడియాలో వైరల్ అయ్యాయి. పరిస్థితిని గమనించిన శివాత్మిక వెంటనే స్పందించి మరో ట్వీట్లో తన తండ్రి ఆరోగ్యంపై వివరణ ఇచ్చారు. దాంతో ఓ గందరగోళానికి తెరపడింది.