For Quick Alerts
    ALLOW NOTIFICATIONS  
    For Daily Alerts

    సినీ నటి రాజసులోచన మృతి

    By Srikanya
    |

    Rajasulochana
    చెన్నై : ప్రముఖ సినీ నటి రాజసులోచన(77) కన్నుమూశారు. చెన్నైలోని స్వగృహంలో ఈ ఉదయం అనారోగ్యంతో తుదిశ్వాస విడిచారు. ఆమె గత కొంతకాలంగా అనారోగ్యంతో బాధపడుతున్నారు. ఆ ఆగస్టు 15, 1935లో విజయవాడలో జన్మించిన రాజసులోచన తెలుగు, తమిళ, కన్నడ, మలయాళం, హిందీ భాషల్లో వందలాది సినిమాల్లో నటించారు. 1953లో 'గుణసాగరి' కన్నడ చిత్రం ద్వారా ఆమె సినిమా రంగానికి పరిచయమయ్యారు.

    దక్షిణాది భాషల్లో సుమారు 274 చిత్రాల్లో నటించారు. ఎంజీ రామచంద్రన్‌, శివాజీ గణేశన్‌, ఎన్టీఆర్‌, అక్కినేని, రాజ్‌కుమార్‌ తదితర అగ్ర కథనాయకులతో కలిసి నటించారు. తెలుగులో నటించిన పాండవ వనవాసం, తాతామనవడు, శాంతినివాసం, జయబేరి, రాజమకుటం తదితర చిత్రాలు ఆమెకు మంచి గుర్తింపును తీసుకువచ్చాయి. నృత్యకళాకారిణి అయిన రాజసులోచన 1963లో చెన్నైలో పుష్పాంజలి నృత్య కళాకేంద్రాన్ని ప్రారంభించారు.

    అలనాటి ప్రముఖ నటి మరియు కూచిపూడి, భరత నాట్య నర్తకి రాజసులోచన (77) మంగళవారం కన్నుమూశారు. గస్టు 15, 1935లో జన్మించిన రాజసులోచన స్వస్థలం విజయవాడ. ప్రముఖ దర్శకుడు చిత్తజల్లు శ్రీనివాసరావు(సీఎస్ రావు)ను ఆమె వివాహమాడారు. దేశ, విదేశాల్లో పలు నృత్య ప్రదర్శనలు ఇచ్చారు. ప్రముఖ దర్శకుడు సీఎస్‌ రావును వివాహం చేసుకున్నారు. వీరికి ఇద్దరు కూతుళ్లు ఉన్నారు.

    రాజసులోచన అంత్యక్రియలు రేపు చెన్నైలో నిర్వహించనున్నట్లు కుటుంబసభ్యులు తెలిపారు. రాజసులోచన మృతి పట్ల చిత్రసీమ ప్రముఖులు సంతాపం తెలిపారు. ఆమె మృతికి ధట్స్ తెలుగు సంతాపం తెలియచేస్తోంది.

    English summary
    Senior actress of South Indian cinema Rajasulochana is no more. She had acted in more than 274 films and paired up with almost all the top artists of the earlier generation such as NT Rama Rao, Akkineni Nageswara Rao, Sivaji Ganesan, MG ramachandran, MN Nambiar, Dr Rajkumar, Nagarajan AP, Rajendran SS and several others.
     
    న్యూస్ అప్ డేట్స్ వెంటనే పొందండి
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X