'ఎమ్మల్యే' కానున్న ఎన్టీఆర్!

By Staff

| Published: Friday, October 17, 2008, 11:15 [IST]

తాతగారిలా ఎన్టీఆర్ రాజకీయాల్లోకి రావటానికి తెలుగుదేశం తరపున ఎం ఎల్.ఎ గా నిలబడబోతున్నాడా ఏంటి అనే డౌట్ వస్తోందా...అదేం కాదు...అతను తాజాగా ఒప్పుకున్న సినిమాకు 'ఎంఎల్.ఏ' అనే టైటిల్ ని పరిశీలిస్తున్నారని తెలుస్తోంది. గతంలో ఎన్టీఆర్ తో ఆది వంటి సూపర్ హిట్ ఇచ్చిన నల్లమలుపు బుజ్జి 'షాక్' డైరక్టర్ హరీష్ శంకర్ దర్శకత్వంలో ప్లాన్ చేయబోతున్న చిత్రం ఇది. ఎం ఎల్ ఎ టైటిల్ అర్దం మంచి(ఎం)లక్షణాలు(ఎల్)ఎ(అబ్బాయి) అని వారి భావమట.

టైటిల్ ఒకటే ఇలా రాజకీయాల్ని గుర్తు చేస్తుందా లేక సినిమా కూడా రాజకీయాలచుట్టూ తిర్గుతుందా అనేది ఇంకా తెలియరాలేదు. అయితే మాత్రం సినిమాలో పొలిటికల్ సెటైర్స్ మాత్రం ఉంటాయిని అంటున్నారు. ఇక ఈ సినిమాలో మరో విశేషముంది. పెద్ద ఎన్టీఆర్ ని గాడ్ ఫాదర్ గా చెప్పే రాజేంద్రప్రసాద్ ఈ సినిమాలో ఎన్టీఆర్ కి తండ్రిగా చేయబోతున్నారు. ప్రస్తుతం కథా చర్చలు జరుపుకుంటున్న ఈ సినిమా వచ్చే మార్చి నుండి ప్రారంభం కానుందని సమాచారం. అంటే వి.వి.వినాయిక్ సినిమా లేనట్టేనా అన్నదానికి మాత్రం ఎవరూ సమాధానం ఇవ్వటంలేదు.ఇక మన ఎమ్.ఎల్.ఎ గెలుపొందాలని అభిమానులందరూ ఓట్లు ఎగ్గొట్టకుండా వెయ్యాలని కోరుకుందాం.