‘డ్రీమ్’ రోల్‌తో పిచ్చెక్కిస్తున్న రాజేంద్రప్రసాద్

By Bojja Kumar

| Published: Thursday, October 13, 2011, 12:56 [IST]

టాలీవుడ్ నవ్వులడాన్ రాజేంద్రప్రసాద్ ఒకప్పుడ తన కామెడీతో తెలుగు ప్రేక్షకులను కడుపుబ్బా నవ్వించాడు. ఇప్పడంటే అల్లరి నరేష్, సునీల్ లాంటి హీరోలు ఉన్నారు కానీ....వాళ్లకంటే ముందు కామెడీ సినిమాల్లో చక్రం తిప్పింది రాజేంద్రుడే. అయితే వయసు పైబడుతున్న కొద్దీ రూటు మార్చిన ఈ హీరో వెరైటీ గెటప్ప్ తో తన టాలెంట్ ఏమిటో నిరూపించుకుంటున్నాడు. ఆ మధ్య క్విక్ గన్ మురుగన్ చిత్రం ద్వారా విభన్నంగా ఎంట్రీ ఇచ్చిన రాజేంద్ర ప్రసాద్ తాజాగా రూపొందున్న 'డ్రీమ్" సినిమాల్లో తన గెటప్స్ తో టాలీవుడ్ ఆడియన్స్ కు పిచ్చెక్కిస్తున్నాడు. పిచ్చెక్కించడం అంటే అపార్థం చేసుకోకండి...పిచ్చ పిచ్చగా ఆకట్టుకుంటున్నాడు.

డ్రీమ్ సినిమా మూడో షెడ్యూల్ అక్టోబర్ రెండో వారం నుంచి వైజాగ్ లో ప్రారంభం అయింది. ఈ సినిమాలో రాజేంద్రప్రసాద్ నాలుగు వెరైటీ గెటప్స్ లో కనిపించనున్నాడు. ప్రతి గెటప్ కూ ఓ ప్రత్యేకత ఉంటుందని సినిమా యూనిట్ సభ్యుల సమాచారం. రాజేంద్రప్రసాద్ ఇదివరకెన్నడూ కనిపించని విధంగా అతన్ని చూపించబోతెన్నాడు దర్శకుడు భవానీ శంకర్. ఈ సినిమా గురించి భవానీ శంకర్ మాట్లాడుతూ...తెలుగులో నిర్మిస్తున్న మొట్ట మొదటి కల్ట్ థ్రిల్లర్ సినిమా ఇది, సాంకేతికంగా యూనివర్శల్ స్థాయికి తగ్గకుండా చిత్రీకరణ సాగుతోంది తెలిపారు. నవంబర్లో ఈ చిత్రాన్ని ప్రేక్షకుల ముందుకు తేనున్నట్లు తెలిపారు.