"సినిమా చూడండి..చీర పట్టుకెళ్ళండి"..కొత్త స్కీమ్

తమ చిత్రాన్ని తిలకించిన మహిళలకు రాష్ట్రంలోని కొన్ని ముఖ్య కేంద్రాలలోని సినిమా థియేటర్ల వద్ద చీరలను ఉచితంగా అందిచనున్నట్లు 'గుడు గుడు గుంజం' నిర్మాత రవికుమార్‌ రెడ్డి చెప్తున్నారు. శ్రావణమాసం సందర్భంగా స్త్రీలకు ఈ కానుకని ఇవ్వాలని నిర్ణయించినట్లు ఆయన తెలిపారు. సినిమా టికెట్‌ కొన్న ప్రతి స్త్రీకి ఓ చీర బహుమతిగా ఇస్తామని చెప్పారు. మహిళలకు ఈ చిత్రం బాగా నచ్చుతుందని, వారిని ప్రోత్సహించడం కోసం ఈ నిర్ణయం తీసుకున్నట్లు దర్శకడు వీరూ.కె తెలిపారు. డా.రాజేంద్రప్రసాద్‌, కస్తూరి, పార్థు, రితిమ, చాహత్‌ ముఖ్యతారలుగా వీరూ.కె దర్శకత్వంలో రూపొందిన 'గుడు గుడు గుంజం' సినిమా ఈ రోజు (శుక్రవారం) విడుదలవుతోంది. మొత్తానికి ప్రేక్షకులనుధియోటర్స్ కు రప్పించటానికి ఇలా రకరకాల స్కీమ్ లు వెయ్యాల్సిన స్దితి తెలుగు పరిశ్రమకు వచ్చింది. ఇక ఇది మహిళలకు నచ్చే చిత్రం కాబట్టి చీరలు ఇస్తున్నారు..మరి మగాళ్ళకు నచ్చే చిత్రం తీస్తే..ఏమిస్తారో చూడాలి.