రాజేంద్రప్రసాద్... పైకిరాడు రానివ్వడా?

By Bojja Kumar

| Updated: Monday, August 6, 2012, 14:30 [IST]

హైదరాబాద్: రాజేంద్రప్రసాద్ ముఖ్య పాత్రలో రూపొందుతున్న చిత్రం 'నూతిలో కప్పలు'. పైకి రావు, రానివ్వవు అనేది ఈ చిత్రం క్యాప్షన్. పోల్‌స్టార్ పిక్చర్స్ పతాకంపై చంటి జ్ఞానమణి దర్శకత్వంలో వినయ్, పూనాటి సంయుక్తంగా నిర్మిస్తున్నారు. పూర్తి వినోదాత్మకంగా నిర్మిస్తున్న ఈ చిత్రం షూటింగ్ 70 శాతం పూర్తియింది.

చిత్ర దర్శకుడు మాట్లాడుతూ రాజేంద్రప్రసాద్ సరికొత్త గెటప్‌తో ఈ చిత్రంలో కనిపిస్తాడని, ఆయన పాత్రే చిత్రానికి ప్రధాన ఆకర్షణగా నిలుస్తుందని, పూర్తి కమర్షియల్ విలువలతో అన్ని వర్గాల వారిని ఆకట్టుకునేలా చిత్రం రూపొందుతుందని తెలిపారు. మిగిలిన షూటింగ్‌ను చివరి షెడ్యూల్‌లో ఈ నెలలోనే చిత్రీకరిస్తామని తెలిపారు.

భరత్‌భూషణ్, రామ్‌తేజ్, విజయ్, మనోజ్ నందం, పరీసింగ్, దీక్షాపంత్, రాధాకుట్టి, తాగుబోతు రమేష్, అల్లరి సుభాషిణి, మేల్కొటె తదితరులు నటిస్తున్న ఈ చిత్రానికి కెమెరా: మోహన్‌రెడ్డి, ఎడిటింగ్: రామ్స్, నిర్మాతలు: వినయ్, పూనాటి, స్క్రీన్‌ప్లే, దర్శకత్వం: చంటి జ్ఞానమణి.

రాజేంద్ర ప్రసాద్ నటించిన 'ఓనమాలు' చిత్రం ఇటీవల విడుదలైన పాజిటివ్ టాక్ తెచ్చుకుంది. గతంలో ఆయన నటించిన ఆనలుగురు, మీశ్రేయోభిలాషి లాంటి మంచి చిత్రాల సరసన ఓ మంచి జ్ఞాపకం లాంటి సినిమాగా 'ఓమమాలు' చిత్రం చోటు సంపాదించుకుంది.

Comments

English summary

'Natakiriti' Rajendra Prasad's forthcoming movie Nutilo Kappalu is progressing at a good pace in Hyderabad. Nutilo Kappalu has already completed 70 per cent of the shooting and the next schedule will commence shortly. The movie is directed by Chanti Gnanamani and jointly produced by Vinay and Poonati.