రజనీ, శంకర్..ఛైత్రం

By Staff

Published: Thursday, April 16, 2009, 20:06 [IST]

చైత్రం అనే చిత్రానికి రజనీకాంత్, శంకర్ ఈ రోజు క్లాప్ కొట్టారు. గతంలో వీధి, ధమ్ చిత్రాలు రూపొందించిన రాజువుపాటి తాజా చిత్రం ఇది. రామోజీ ఫిల్మ్ సిటీలో ఈ కొత్త చిత్రం షూటింగ్ ప్రారంభమైంది. నూతన హీరో సూర్య, సీనియర్ రచయిత, నటుడు పరుచూరి వెంకటేశ్వరరావుపై చిత్రీకరించిన ముహూర్తం సన్నివేశానికి రజనీకాంత్ క్లాప్ ఇవ్వగా, ప్రముఖ సినిమాటోగ్రాఫర్ శేఖర్ వి.జోషఫ్ కెమెరా స్విచ్చాన్ చేశారు. శంకర్ గౌరవ దర్శకత్వం వహించారు. 'తిరిగేదే భూమి, కాలేదే నిప్పు, పోరాడేవాడే మనిషి...సో ఆల్ ద బెస్ట్' అనే డైలాగ్ ను ముహూర్తం షాట్ గా చిత్రీకరించారు.

చైత్రం చిత్రానికి 'ది సీజన్ ఆఫ్ లవ్' అనే ట్యాగ్ లైన్ కూడా ఉంది. రాకేష్ సినీ సర్క్యూట్ బ్యానర్ పై విజయ్ ఈ చిత్రాన్ని నిర్మిస్తున్నారు. . సూపర్ స్టార్ రజనీకాంత్, శంకర్ లు ఈ చిత్ర ముహూర్తానికి రావడం తమ అదృష్టమనీ, జీవితంలోని వివిధ దశలను అందంగా చెప్పే ఒక మంచి ప్రేమకథా చిత్రమే ఈ 'చైత్రం' అని దర్శకుడు రాజువుపాటి తెలిపారు. చైత్రంలో ఆకులు చిగురించినట్టే ఇందులో ప్రేమ చిగురుస్తుందనీ, 80 శాతం కామెడీ, 20 శాతం హృదాయలను కదిలించే సన్నివేశాలతో సినిమా ఉంటుందనీ చెప్పారు.

More from Filmibeat