»   » రజనీకాంత్ ‘రోబో 2’...విలన్‌గా అమీర్ ఖాన్?

రజనీకాంత్ ‘రోబో 2’...విలన్‌గా అమీర్ ఖాన్?

Posted By:
Subscribe to Filmibeat Telugu
Rajinikanth and Aamir Khan in Robot 2
హైదరాబాద్: రజనీకాంత్ హీరోగా వచ్చిన 'రోబో' చిత్రం అప్పట్లో సంచలన విజయం సాధించిన సంగతి తెలిసిందే. ప్రఖ్యాత దర్శకుడు శంకర్ ఈ చిత్రాన్ని రూ. 150 కోట్ల ఖర్చుతో తెరకెక్కించారు. బాక్సాఫీసు వద్ద ఈ చిత్రం భారీ విజయం సాధించి నిర్మాతలకు లాభాల పంట పండించింది.

తాజాగా 'రోబో' చిత్రానికి సీక్వెల్‌గా 'రోబో 2' చిత్రాన్ని తెరకెక్కించేందుకు ప్రయత్నాలు జరుగుతున్నట్లు తెలుస్తోంది. రోబో ఫస్ట్ పార్టులో విలన్ పాత్రలో డానీ నటించారు. ఆ సినిమాలో డానీ రోబో చేతిలో చనిపోతాడు. కాగా 'రోబో 2'లో విలన్ పాత్ర ఎవరు చేయబోతున్నారు? అనే విషయం ఆసక్తికర చర్చ సాగుతోంది.

ఇటీవల వచ్చిన ధూమ్ 3 చిత్రంలో విలన్ పాత్ర పోషించిన అమీర్ ఖాన్....'రోబో 2'లో కూడా విలన్ పాత్ర పోషిస్తాడని బాలీవుడ్, కోలీవుడ్ సర్కిల్లో వార్తలు వినిపిస్తున్నాయి. అయితే విషయమై ఇప్పటి వరకు ఎలాంటి అధికారిక సమాచారం లేదు. మరి ఈ వార్తల్లో నిజం ఎంతో త్వరలో తేలనుంది.

రోబో 2 చిత్రం ప్రస్తుతం ప్రతిపాదనల దశలోనే ఉంది. ప్రస్తుతం 'ఐ'(తెలుగులో 'మనోహరుడు') చిత్రం షూటింగులో బిజీగా ఉన్న దర్శకుడు శంకర్ ఈ చిత్రం పూర్తయిన తర్వాత 'రోబో 2' చిత్రంపై దృష్టి సారించే అవకాశం ఉంది. పూర్తి వివరాలు త్వరలో తెలిసే అవకాశం ఉంది.

English summary

 Rajinikanth’s high budget film ‘Robot’ is a stupendous hit all over the world and director Shankar’s craze sprawled over the entire globe for making such visually grand film with in a budget of Rs.150 Crores. Now, plans are the anvil to begin the sequel as ‘Robot 2’ starring none other than Rajini. However, there is a discussion on who would reprise the villain’s role because Danny gets killed in first half.
Please Wait while comments are loading...