2.0 ఫస్ట్ డే రికార్డులు మొదలు: రజనీకాంత్-అక్షయ్ కుమార్ కలిస్తే కలెక్షన్ల ప్రళమయే!

తమిళనాడులో ఎక్స్‌పెక్టేషన్స్

2.0 చిత్రానికి మంచి ఓపెనింగ్స్ తమిళనాడులో వస్తాయని అంచనా వేస్తున్నారు. ఇక్కడ ఈ చిత్రం తొలి రోజు రూ. 35 కోట్ల నుంచి రూ. 40 కోట్ల వరకు వసూలు చేసే అవకాశం ఉందని టాక్.

నార్త్ ఇండియాలో ఎంత వసూలు చేయొచ్చు?

నార్త్ ఇండియాలోనూ ఈ చిత్రంపై భారీ అంచనాలు ఉన్నాయి. రజనీకి అక్కడ క్రేజ్ ఉండటం, అక్షయ్ కుమార్ నటిస్తున్న సినిమా కావడం, ఇండియన్ బిగ్గెస్ట్ విజువల్ వండర్ కావడంతో ఓపెనింగ్స్ రూ. 40 నుంచి 50 కోట్ల వరకు ఉంటాయని అంచనా.

తెలుగు, కన్నడలో భారీ డిమాండ్

తెలుగు రాష్ట్రాలతో పాటు కన్నడనాట కూడా 2.0 చిత్రానికి మంచి డిమాండ్ ఏర్పడింది. తెలుగు రాష్ట్రాల్లో ఓపెనింగ్స్ కనీసం రూ. 20 కోట్లు, కర్నాటకలో రూ. 10 కోట్ల వరకు వసూలయ్యే అవకాశం ఉందని అంటున్నారు.

ఓవర్సీస్‌లో 3 వేల స్క్రీన్లు

ఇండియాలో ఈ చిత్రం 7.500 స్క్రీన్లలో విడుదలవుతుండగా ఓవర్సీస్‌లో 3 వేల థియేటర్లలో రిలీజ్ చేశారు. ఓవర్సీస్ వసూళ్లు కనీసం రూ. 50 కోట్లు ఉంటాయని అంచనా.

ఫస్ట్ డే కలెక్షన్ ఎంత ఉండొచ్చు?

ఇప్పటి వరకు రూ. 120 కోట్ల ఓపెనింగ్ కలెక్షన్లతో బాహుబలి 2 మొదటి స్థానంలో ఉంది. 2.0 ఈ రికార్డును అధిగమించాలంటే అంతకు మించి వసూలు చేయాల్సి ఉంది. అయితే సినిమాపై ఉన్న క్రేజ్, భారీ రిలీజ్ నేపథ్యంలో అది సాధ్యమే అంటున్నారు ట్రేడ్ విశ్లేషకుల.