నయనతార ‘సూపర్’కి కితాబులిచ్చిన సూపర్ స్టార్...

ఉపేంద్ర, నయనతార జంటగా నటించిన కన్నడ చిత్రం'సూపర్" ఇటీవల విడుదలయ్యింది. త్వరలో తెలుగులో కూడా విడుదల కాబోతోంది. ఇదిలా ఉంటే ఇటీవల రజనీకాంత్ బెంగళూరు వెళ్లినప్పుడు ఈ చిత్ర నిర్మాత రాక్ లైన్ వెంకటేష్ దగ్గర 'సూపర్" సినిమాని చూడాలని ఉందని అన్నారట. సో దాంతో రజనీ కోసం ప్రత్యేకంగా ఓ షో ఏర్సాటు చేశారు. ఈ చిత్రానికి ఉపేంద్ర దర్శకత్వం వహించాడు.

సినిమా చాలా బాగుందని, ఉపేంద్ర గ్రేట్ యాక్టరే కాదు గ్రేట్ డైరెక్టర్ కూడా అని, మనకున్న గొప్ప దర్శకుల్లో ఉపేంద్ర ఒకరు అని రజనీకాంత్ కితాబులు ఇచ్చేశారట. దాంతో ఈ చిత్రం పట్ల తెలుగు ట్రేడ్ సర్కిల్స్ లో అంచనాలు పెరిగాయి. కన్నడంలో శివరాజ్ కుమార్ నటిస్తున్న జోగయ్య సినిమాలో తను నటించుట లేదని అది రూమరని అన్నారు, కాని నాకు మంచి స్క్రిప్ట్ దొరికితే తప్పకుండా కన్నడంలో సినిమా తీస్తామన్నారు.