Don't Miss!
- News రేవంత్ నన్ను జైల్లో వేస్తాడట..: కాంగ్రెస్ సర్కారుపై కేసీఆర్ నిప్పులు
- Sports DC vs GT: ఆ తప్పిదంతోనే ఓడిపోయాం: శుభ్మన్ గిల్
- Lifestyle పెళ్లైన వ్యక్తితో డేటింగా? కాస్త ముందు..వెనకా ఆలోచించండి..లేదంటే కొంప కొల్లేరే..!
- Technology OPPO Find X7 Ultra కెమెరా రివ్యూ! అద్భుతమైన ఫీచర్లతో, బెస్ట్ కెమెరా ఫోన్!
- Automobiles 323 కి.మీ రేంజ్తో ప్రీమియం ఎలక్ట్రిక్ బైక్ విడుదల.. ధర తెలిస్తే కొనేందుకు ఆలోచిస్తారు..!!
- Finance Market Closing: లాభాల్లో ముగిసిన సెన్సెక్స్-నిఫ్టీ.. స్పీడు పెంచిన బుల్స్..
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
రజినీకి ఆరోగ్యం బానే ఉంది, అమెరికాలో ఎంజాయ్ చేస్తున్నాడు: ఈ వీడియో చూడండి
రజనీకాంత్ మామూలు మెడికల్ చెకప్ కోసమే అమెరికా వెళ్లారు. అమెరికాలో ఆయన పూర్తి ఆరోగ్యంతో ఉన్నారు. అంతేకాదు తీరిక సమయాన్ని ఆస్వాదిస్తున్నారు కూడా
రజనీ కాంత్ ఉన్నట్టుండి అమెరికా ప్రయాణం అయ్యినట్లుగా వార్తలు వస్తున్నాయి. కాగా త్వరలోనే రోబో2 సినిమా షూటింగ్ కు ఉక్రెయిన్ వెళ్ళాల్సి ఉండగా హఠాత్తుగా అమెరికా ప్రయాణం జరపడంతో ఒక్కసారిగా అభిమానుల్లో ఆందోళన మొదలైంది. అప్పుడప్పుడు అనుకోకుండా రజనీకాంత్ అనారోగ్యానికి గురౌతుండటం తెలిసిందే. గతంలో కూడా పలుమార్లు అనారోగ్యం బారిన పడిన రజనీకాంత్ ఆ తర్వాత అమెరికాలోనే చికిత్స తీసుకొని ఆరోగ్యంగా రావడంతో అభిమానులంతా ఊపిరి పీల్చుకున్నారు. అయితే ఈ మధ్యనే రాజకీయ ప్రవేశం, అభిమానులతో మీటింగ్ లూ, రోబో 2.0 షూటింగ్ అంటూ ఉన్న రజినీ హఠాత్తుగా అమెరికా వెళ్ళటం తో అభిమానుల్లో మళ్ళీ కంగారు మెదలయ్యింది.
అమెరికాలో ట్రీట్మెంట్
కబాలి మూవీ షూటింగ్ తర్వాత అనారోగ్యం కారణంగా కొన్నాళ్ళు అమెరికాలో ట్రీట్మెంట్ తీసుకున్న రజినీకాంత్ మళ్ళీ చెకప్ కోసం అమెరికా వెళ్ళాడని ఓ వార్త దావానంలా వ్యాపించింది. శంకర్ తెరకెక్కిస్తోన్న రోబో సీక్వెల్ షూటింగ్ లో రజినీ ఇటీవలే జాయిన్ కాగా కొంత టాకీ పార్ట్ పూర్తి చేశారు.
ఉక్రెయిన్లో
ఉక్రెయిన్లో కూడా సాంగ్స్కి సంబంధించి కొన్ని సన్నివేశాలను చిత్రీకరించినట్టు సమాచారం. అయితే ఉన్నట్టుండి రజినీ చెకప్ కోసం అమెరికా వెళ్ళాడనే వార్త బయటకు రావడంతో అభిమానులు కంగారు పడుతున్నారు. రజినీతో పాటు ఆయన కుమార్తె ఐశ్వర్య కొందరు కుటుంబ సభ్యులు అమెరికా వెళ్ళారని సమాచారం.
మామూలు మెడికల్ చెకప్ కోసమే
ఆయన ఆరోగ్య పరిస్థితి గురించి కొంత ఆందోళన రేపింది. అయితే, రజనీకాంత్ మామూలు మెడికల్ చెకప్ కోసమే అమెరికా వెళ్లారు. అమెరికాలో ఆయన పూర్తి ఆరోగ్యంతో ఉన్నారు. అంతేకాదు తీరిక సమయాన్ని ఆస్వాదిస్తున్నారు కూడా. అందుకు ప్రూఫ్ ఇదేనంటూ ఓ వీడియో ప్రస్తుతం సోషల్ మీడియాలో హల్చల్ చేస్తోంది.
ఫెరారీలో ప్రయాణిస్తూ
ఈ వీడియోలో రజనీ ఫెరారీలో ప్రయాణిస్తూ సెల్ఫీ తీసుకున్నట్టు కనిపిస్తోంది. నవ్వుతూ రజనీ చాలా హుషారుగా ఈ వీడియోలో కనిపించారు. అన్నట్టు రజనీ తీసుకున్న తొలి సెల్ఫీ వీడియో ఇదేనని తెలుస్తోంది. ఈ వీడియోలో రజనీ డ్రైవింగ్ సీటులో కూర్చున్న వ్యక్తితో మాట్లాడుతూ 'నేను రెడ్ బటన్నీ ప్రెస్ చేస్తే.. వీడియో వస్తుంది కదా' అన్నారు. ఈ వీడియో ప్రస్తుతం సోషల్ మీడియాలో విపరీతంగా చక్కర్లు కొడుతోంది.