Don't Miss!
- News రూ.100 తో ఊరు వదిలాడు.. రూ.200 కోట్లకు అధిపతి
- Sports RCB Playing XI: అతనికి నిరాశే.. సన్రైజర్స్ హైదరాబాద్తో తలపడే ఆర్సీబీ తుది జట్టు ఇదే!
- Lifestyle పురుషుల్లో ఈ లక్షణాలు ఉంటే.. ఖచ్చితంగా డిప్రెషన్కు గురైనట్టే..!
- Automobiles కారులో ఎక్కువ సౌండ్తో మ్యూజిక్ వింటూ వెళ్తున్నారా.. మీ కారు ప్రమాదానికి గురయ్యే అవకాశం ఎక్కువ.. ఎందుకంటే??
- Finance Market Closing: లాభాల్లో ముగిసిన సెన్సెక్స్-నిఫ్టీ.. స్పీడు పెంచిన బుల్స్..
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
- Technology Realme నుంచి రెండు కొత్త ఫోన్లు లాంచ్ అయ్యాయి! ధర రూ.11,999 కే మొదలు
సోనియా గాంధీ కోరితే మా సినిమా చూపుతాం
యూపీఏ చైర్ పర్సన్, కాంగ్రెస్ అధినేత్రి సోనియా గాంధీ కోరితే ప్రత్యేకంగా తాము రూపొందించిన చిత్రాన్ని చూపించడానికి కూడా సిద్ధంగా ఉన్నానని దర్శకుడు ప్రకాశ్ ఝా ప్రకటించారు. అలాగే ఆమె జీవిత విశేషాల ఆధారంగా రాజ్నీతి సినిమాను రూపొందించలేదని ప్రకాశ్ ఝా శనివారం స్పష్టం చేశారు. సోనియా గాంధీ జీవితంలో ఎన్నో ఒడిదుడుకులను ఎదుర్కొని విజేతగా నిలిచారని..ఆమె గాథ స్ఫూర్తిగా నిలుస్తుందని పేర్కొన్నారు. ఒక ప్రత్యేక సినిమా తీస్తే తప్ప ఆమె జీవితాన్ని తెరకెక్కించడం సాధ్యం కాదని స్పష్టం చేశారు. రాజ్ నీతిలో కత్రినా కైఫ్ పాత్రకు..సోనియా జీవితానికి ఎలాంటి పోలికలూ ఉండవని ఝా అన్నారు. ప్రతి ఒక్కరూ రాజకీయాలను ఎలా ఉపయోగించుకుంటున్నారో వివరించే కమర్షియల్ సినిమా ఇదని అభివర్ణించారు.
పాలనపరమైన రాజకీయాలే కాకుండా మన జీవిత రాజకీయాల గురించి రాజ్నీతి చర్చిస్తుందన్నారు. వ్యక్తిగత జీవితాల్లో ఉండే అంకితభావం, మోసం, దగాలను చూపిస్తుంద ని చెప్పారు. వచ్చే నెల నాలుగున విడుదలయ్యే ఈ సినిమా కోసం ప్రకాశ్ ఝా పలు నగరాల్లో ప్రచారం నిర్వహిస్తారు. ఢిల్లీ సహా ఏడు నగరాల్లో తిరుగుతూ కాలేజీ క్యాంపస్లలోని విద్యార్థులను కలుసుకొని యువజన, రాజకీయాలపై చర్చిస్తామన్నారు. నిర్బంధ ఓటింగ్, రిజర్వేషన్ల గురించి కూడా చర్చ నిర్వహిస్తామన్నారు. సినిమా ప్రచారంలో భాగంగా ప్రకాశ్ ఝా చిత్ర నటీనటులతో జాతీయ గీతాన్ని చిత్రీకరించారు. సినిమా సందర్భంగా ప్రదర్శించడానికి దీనిని థియేటర్ల యజమానులకు అందజేస్తామని ప్రకాశ్ ఝా వివరించారు.