నాగార్జు, సమంత.... ‘రాజుగారి గది 2’ ట్రైలర్ రిలీజైంది

మెంటలిస్ట్ పాత్రలో నాగార్జున

ఈ చిత్రంలో నాగార్జున మెంటలిస్టు పాత్రలో కనిపించబోతున్నారు. తన పాత్ర గురించి నాగార్జున మాట్లాడుతూ.... ఇందులో మెంటలిస్టు పాత్ర చేస్తున్నాను. రియల్‌ లైఫ్‌లో అలాంటివారిని ఇద్దరు, ముగ్గుర్ని కలిశాను. వాళ్ళకి ఎక్స్‌ట్రా సెన్సరీ పవర్స్‌ ఉంటాయి. మీ మనసులో వున్నది ఈజీగా కనిపెట్టేస్తారు. నిజంగా చెప్తున్నారా, అబద్ధం చెప్తున్నారా అనేది వాళ్ళకి తెలిసిపోతుంది.

దెయ్యం పాత్రలో సమంత

ఈ చిత్రంలో సమంత దెయ్యం పాత్రలో కనిపించబోతోంది. త్వరలో నాగార్జున కోడలు కాబోతున్న సమంత.... నాగార్జునతో కలిసి ‘మనం' తర్వాత చేస్తున్న సినిమా ఇదే.

ట్రైలర్ అదుర్స్

రాజుగారి గది 2 ట్రైలర్ కు మంచి స్పందన వస్తోంది. నాగార్జున, సమంత లాంటి వారు ఇందులో ఉండటంతో సినిమాకు ప్రేక్షకుల నుండి మంచి స్పందన వస్తుందని అంచనా వేస్తున్నారు.

రాజుగారి గది 2

నాగార్జున‌, వెన్నెల కిషోర్, అశ్విన్ బాబు, ప్ర‌వీణ్, ష‌క‌ల‌క శంక‌ర్ త‌దిత‌రులు న‌టిస్తున్న ఈ చిత్రానికి సినిమాటోగ్రాఫ‌ర్ - దివాక‌ర‌న్, మ్యూజిక్ - త‌మ‌న్, ఆర్ట్ - ఎ.ఎస్.ప్ర‌కాష్, డైలాగ్స్ - అబ్బూరి ర‌వి, నిర్మాత - పి.వి.పి, ద‌ర్శ‌క‌త్వం - ఓంకార్.