యువ హీరోతో రకుల్ ప్రీత్ దాగుడు మూతలు.. ప్రోసీడ్ అవుతుందో లేదో..

హరీష్ శంకర్ దాగుడు మూతలు

గబ్బర్ సింగ్ లాంటి బ్లాక్ బస్టర్‌ను అందించిన దర్శకుడు హరీష్ శంకర్ ప్రస్తుతం దాగుడుమూతలు అనే మల్టీస్టారర్ చిత్రాన్ని రూపొందించే పనిలో ఉన్నాడు. డీజే చిత్రాన్ని రూపొందించిన దిల్ రాజు ఈ సినిమాకు నిర్మాత. ఈ చిత్రంలో నితిన్, శర్వానంద్ హీరోలుగా నటిస్తున్నారు.

సాయిపల్లవి గ్రీన్ సిగ్నల్

ఈ ఇద్దరు కుర్ర హీరోల సరసన నటించేందుకు ఇప్పటికే సాయి పల్లవిని ఎంపిక చేసుకోగా, మరో హీరోయిన్‌ రకుల్ పేరు పరిశీలనలో ఉంది. ప్రస్తుతం రకుల్‌తో డేట్లు, రెమ్యునరేషన్ తదితర విషయాలపై ఇంకా చర్చలు జరుగుతున్నాయనేది తాజా సమాచారం.

రకుల్ ప్రీత్ నటిస్తుందా

దాగుడు మూతలు చిత్రంలో రకుల్ నటిస్తుందా అనే విషయంపై ఇంకా క్లారిటీ లేదు. అయితే తన నిర్ణయాన్ని హరీష్ శంకర్‌కు చెప్పకుండా ఇంకా నాన్చుతున్నది అనేది ఫిలింనగర్ టాక్.

శర్వానంద్‌తో రకుల్

నితిన్‌తో సాయిపల్లవి జతకట్టనున్నది. శర్వానంద్‌ సరసన రకుల్ ప్రీత్ సింగ్ నటించే అవకాశం ఉంది. ఈ చిత్రం 2018 మార్చిలో సెట్స్ పైకి తీసుకెళ్లాలనే ఆలోచనలో దిల్ రాజు ఉన్నారు.

ఐయారీ చిత్రంలో

కాగా రకుల్ ప్రస్తుతం ఐ యారీ అనే బాలీవుడ్ చిత్రంలో నటిస్తున్నది. ఈ చిత్రంలో హీరోగా సిద్దార్థ్ మల్హోత్రా, మనోజ్ బాజ్‌పేయ్ నటిస్తున్నాడు. ఈ చిత్రానికి నీరజ్ పాండే దర్శకుడు. ఈ చిత్రం జనవరి 26న రిలీజ్‌కు సిద్ధమవుతున్నది.